Pucin prakamientavaŭ zajavu Zialenskaha pra zakryćcio nieba nad Rasijaj dla cyvilnaj avijacyi
Uładzimir Pucin zrabiŭ vyhlad, što navat nie čuŭ pra zajavu prezidenta Ukrainy, adnak adrazu pryhraziŭ adkazam.
Pytańnie Pucinu zadali padčas pres-kanfierencyi paśla samitu ŠAS u Biškieku. Pucin zajaviŭ, što nie čuŭ słoŭ Zialenskaha.
«Ja nie čuŭ takich zajaŭ, ale kali heta skazana ŭsłych, to heta prosta zajaŭka na dziaržaŭny teraryzm. I źviartaju ŭvahu, što jany prosiać u nas adnavić pieramovy, prosiać pra asabistyja sustrečy. Z terarystami pieramovaŭ nie viaduć. Ale heta pieršaje. A druhoje, u hetaj ža častcy: kali, nie daj boh, takija trahiedyi buduć adbyvacca, my znojdziem čym adkazać. Niachaj nichto nie sumniavajecca», — skazaŭ Pucin.
Napiaredadni Zialenski zajaviŭ, što Ukraina źbirajecca nastolki pavialičyć kolkaść svaich bieśpiłotnikaŭ u pavietranaj prastory Rasii, što heta faktyčna zrobić jaje niebiaśpiečnaj dla cyvilnych palotaŭ.
Pavodle Zialenskaha, rasijskaje nieba «ŭžo źjaŭlajecca i budzie jašče bolš» prastoraj dla dronaŭ i rakiet.
Asobna Zialenski źviarnuŭsia da zamiežnych avijakampanij i strachoŭščykaŭ. Jon papiaredziŭ, što paloty ŭ Rasiju, asabliva ŭ Maskvu i Sankt-Pieciarburh, stanoviacca ŭsio bolš ryzykoŭnymi.
«Rasijskaje nieba de-fakta budzie zakryvacca», — skazaŭ jon, padkreśliŭšy, što Ukraina nie źbirajecca atakavać cyvilnyja samaloty.
Da vystupu Pucina rasijskija ŭłady publična nie kamientavali papiaredžańnie, a dziaržaŭnyja ahienctvy TASS i RIA «Naviny» pra jaho nie paviedamlali.
Ciapier čytajuć
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»31
Kamientary