Premjer-ministr Italii Maryjo Drahi abjaviŭ pra svaju adstaŭku. Ale prezident jaje nie choča prymać
Premjer-ministr Italii Maryjo Drahi zajaviŭ, što padaje ŭ adstaŭku. Padaražeńnie žyćcia, vyklikanaje vysokaj inflacyjaj i koštam enierharesursaŭ, stała surjoznaj prablemaj dla mnohich jeŭrapiejskich krain, i Italija nie stała vyklučeńniem. Hetaje pytańnie vyklikała raskoł u italjanskim ŭradzie.
Na prablemy ź inflacyjaj nakładajucca składanaści z zabieśpiačeńniem krainy rasijskim hazam.
«Ja vielmi bajusia, što ŭ vieraśni siemji stanuć pierad vybaram: apłačvać rachunki za elektryčnaść abo kuplać ježu», — zajaviŭ lidar partyi «Piać zorak» Džuzepe Konte. Jahonaja partyja, jakaja ŭvachodzić va ŭradavuju kaalicyju, admoviłasia padtrymać ŭrad na hałasavańnie ab votumie davieru ŭ čaćvier.
Premjer, jaki stamiŭsia ad pastajannych sprečak pamiž partyjami, jakija ŭvachodziać u kaalicyju, zajaviŭ jašče ŭ aŭtorak, što biez «Piaci zorak» «ŭrada Drahi nie budzie». Tamu jon moža padać u adstaŭku, u vyniku buduć pryznačanyja daterminovyja vybary.
Siońnia Drahi strymaŭ svajo abiacańnie i zajaviŭ pra svaju adstaŭku. Premjeram jon byŭ ź lutaha 2021 hoda.
Pierad hetym u italjanskim Sienacie — vierchniaj pałacie parłamienta — adbyłosia hałasavańnie, na jakim parłamientaryi paćvierdzili davier uradu na čale z Drahi. «Za» votum davieru prahałasavali 172 sienatary, 39 vystupili suprać. Ale «Ruch piaci zorak» u hałasavańni nie ŭdzielničaŭ.
Drahi vyznačaŭsia pryncypovaściu jak u staŭleńni da Maskvy, tak i ŭ pytańni baraćby z karupcyjaj. Jaho nazyvali poŭnaj procilehłaściu kolišniaha premjera Silvia Bierłuskoni.
Nieŭzabavie paśla zajavy Drahi stała viadoma, što prezident Italii Sierža Matareła adstaŭku jahonuju prymać admoviŭsia.
Kamientary