Žychar Stoŭbcaŭ sprabavaŭ spynić ciahniki z rasijskimi vajskoŭcami. Sprava adpraŭlenaja ŭ sud
Hienprakuratura nakiravała ŭ sud kryminalnuju spravu ŭ dačynieńni da 43-hadovaha žychara Stoŭbcaŭ.
Mužčyna byŭ zatrymany ŭ sakaviku 2022 hoda nieŭzabavie paśla napadu Rasii na Ukrainu. Pavodle viersii abvinavačvańnia, jon raźvioŭ vohnišča na hałoŭnym šlachu niezadoŭha da prachodžańnia pasažyrskaha ciahnika.
«Łakamatyŭnaja bryhada nie paśpieła svoječasova prymianić ekstrannaje tarmažeńnie i sastaŭ prajechaŭ nad ahniom. Mašynist hruzavoha čyhunačnaha sastavu z vuhalem, jaki jechaŭ praź niekatory čas, paśpieŭ spynić ciahnik pierad miescam uzharańnia dziakujučy papiaredžańniu dyśpietčarskaj słužby Biełaruskaj čyhunki», — havorycca ŭ paviedamleńni prakuratury.
U vyniku mužčynie pradjaŭlenaje abvinavačvańnie pa dvuch artykułach:
akt teraryzmu — ździajśnieńnie padpału ŭ metach akazańnia ŭździejańnia na pryniaćcie rašeńniaŭ orhanami ŭłady (č. 1 art. 289 Kryminalnaha kodeksa Respubliki Biełaruś);
naŭmysnaje pryviadzieńnie ŭ nieprydatny dla ekspłuatacyi stan čyhunačnych šlachoŭ znosin u metach ździajśnieńnia akta teraryzmu (č. 4 art. 309 Kryminalnaha kodeksa Respubliki Biełaruś).
Havorka pra Siarhieja Hlebku, jaki byŭ zatrymany ŭ noč na 2 sakavika ŭ Stoŭbcach razam z žonkaj za padpał biarvieńnia na čyhunačnych rejkach z metaj spynić pierasoŭvańnie rasijskich vojskaŭ, jakija napali na Ukrainu.
Pravaabaroncy pryznali Siarhieja Hlebku palitviaźniem.
U toj ža čas KDB 6 lipienia ŭnios jaho ŭ «śpis terarystaŭ».
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary