U Maskvie žančyna pakinuła ŭ chramie antyvajennuju zapisku, probašča prymusili napisać na jaje danos
72-hadovaja maskoŭskaja piensijanierka Halina Barysava śćviardžaje, što na jaje skłali pratakoł ab dyskredytacyi rasijskaha vojska (č. 1 art. 20. 3 KaAP RF) paśla «danosu» probašča katalickaha chrama Śviatoha Ludovika. Pra heta jana zajaviła pravaabarončamu prajektu «OVD-Infa», paviedamlaje «Bi-bi-si».
Jaje viersija hučyć tak: 3 lipienia jana prymacavała antyvajennuju zapisku da ściaha Rasii, jaki paviesili na chram, u joj było napisana: «No bellum» («Nie vajnie» na łatyni).
Listok pravisieŭ chvilin piać, potym jaho, mahčyma, ubačyła siastra-manaška, i piensijanierku vyličyli pa kamierach nazirańnia. Palicyja, jak jana śćviardžaje, pryjšła da probašča chrama, jaki nibyta napisaŭ na jaje zajavu dla pryciahnieńnia da administracyjnaj adkaznaści.
20 lipienia palicejskija pryjšli da žančyny dadomu. Jaje nie było doma, i dźviery adčyniŭ syn, jaki, spałochaŭšysia, straciŭ prytomnaść. Palicyjanty dačakalisia, pakul piensijanierka vierniecca, zatrymali jaje i pavieźli ŭ pastarunak.
Prajekt nie daje viersii nastajaciela katalickaha chrama i palicyi, «Bi-Bi-Si» taksama nie moža apieratyŭna daviedacca pra ich viersii taho, što adbyłosia.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam18
Kamientary