U Prydniastroŭi zajavili, što majuć namier dabivacca niezaležnaści ad Małdovy i dałučycca da Rasii
Kiraŭnik MZS niepryznanaj respubliki zajaviŭ, što «viektar Prydniastroŭja niaźmienny» — damahčysia pryznańnia niezaležnaści i ŭvachodžańnia ŭ skład Rasii.
Kiraŭnik MZS niepryznanaha Prydniastroŭja Vital Ihnaćjeŭ zajaviŭ, što Tyraspal maje namier damahacca niezaležnaści z nastupnym dałučeńniem da Rasii.
Pa słovach Ihnaćjeva «viektar Prydniastroŭja na praciahu ŭsich hadoŭ isnavańnia respubliki zastajecca niaźmiennym», što adlustravana ŭ vynikach refierendumu vieraśnia 2006 hoda: tady, pa danych Prydniastroŭskaj CVK, za niezaležnaść respubliki i ŭvachodžańnie ŭ skład Rasii vykazalisia 97% udzielnikaŭ.
Ihnaćjeŭ dadaŭ, što ŭłady Prydniastroŭja buduć dziejničać «prahmatyčna i sumlenna» i nie stanuć prymać rašeńniaŭ «na škodu paŭmiljonnaha naroda krainy».
Na pačatku maja kiraŭnik Prydniastroŭja Vadzim Krasnasielski kazaŭ, što respublika pavinna być pryznanaja nie vajskovym, a mirnym šlacham, «za stałom pieramovaŭ, u dyjałohu». Jon adznačyŭ, što ŭzbrojeny kanflikt nikomu nie patrebny, žychary Prydniastroŭja «viedajuć, što takoje vajna, i ceniać mir».
Vylecieła ŭ nieviadomym kirunku śpikierka KR Anžalika Mielnikava30
Kamientary