Piensijanierku paplečnicu Aŭtuchoviča adpravili ŭ karcar na 7 sutak
U hrodzienskaj turmie, dzie prachodzić sud nad «hrupaj Aŭtuchoviča», praciahvajuć ździekavacca z abvinavačanych. 60-hadovuju Halinu Dzierbyš, jakaja prachodzić abvinavačanaj pa spravie Aŭtuchoviča, učora źmiaścili ŭ karcar.
Pa infarmacyi «Našaj Nivy», pryčynaj stała jaje admova prachodzić «ramku»: pierad pasiadžeńniami abvinavačanych prymušajuć raździavacca i prachodzić praz skanier.
Raniej abvinavačanyja ŭžo aburalisia prymusami supracoŭnikaŭ turmy prachodzić prynižalny dahlad. Invalida Uładzimira Hundara prynosili na praces prosta ŭ trusach — jon admaŭlaŭsia apranacca, bo sud nie reahavaŭ na skarhi nakont dahladu. Paśla Hundara adpraŭlali ŭ karcar, dzie jon abviaščaŭ haładoŭku.
Ciapier karcaram pakarali piensijanierku Halinu Dzierbyš — taksama za pratest suprać «ramki» i prymusovaha raździavańnia. Žančyna chvareje na ankałohiju, raniej jana skardziłasia, što kali admaŭlajecca raździavacca pierad skanieram, supracoŭnicy turmy ściahvajuć ź jaje vopratku siłaj.
Kamientary