Пенсіянерку паплечніцу Аўтуховіча адправілі ў карцар на 7 сутак
У гродзенскай турме, дзе праходзіць суд над «групай Аўтуховіча», працягваюць здзекавацца з абвінавачаных. 60-гадовую Галіну Дзербыш, якая праходзіць абвінавачанай па справе Аўтуховіча, учора змясцілі ў карцар.
Па інфармацыі «Нашай Нівы», прычынай стала яе адмова праходзіць «рамку»: перад пасяджэннямі абвінавачаных прымушаюць раздзявацца і праходзіць праз сканер.
Раней абвінавачаныя ўжо абураліся прымусамі супрацоўнікаў турмы праходзіць прыніжальны дагляд. Інваліда Уладзіміра Гундара прыносілі на працэс проста ў трусах — ён адмаўляўся апранацца, бо суд не рэагаваў на скаргі наконт дагляду. Пасля Гундара адпраўлялі ў карцар, дзе ён абвяшчаў галадоўку.
Цяпер карцарам пакаралі пенсіянерку Галіну Дзербыш — таксама за пратэст супраць «рамкі» і прымусовага раздзявання. Жанчына хварэе на анкалогію, раней яна скардзілася, што калі адмаўляецца раздзявацца перад сканерам, супрацоўніцы турмы сцягваюць з яе вопратку сілай.
Цяпер чытаюць
Беларуска адначасова мела два грамадзянствы — але даведалася пра гэта толькі ў 21 год. Як так выйшла?1
Каментары