Časnok — duchmianaja i vielmi karysnaja pryprava, i šmat chto nie ŭjaŭlaje sabie hatavańnia ježy bieź jaje. Na žal, časta my vypadkova pazbaŭlajemsia karysnych jakaściej i smaku časnaku. Jak nie dapuścić hetaha?
Zdajecca, samaje ciažkaje — heta pačyścić časnok, i jak tolki my z hetym spravilisia, usio pojdzie jak treba. Ale ž heta nie tak, piša onet.pl.
Nie ŭsie hetaha viedajuć, ale toje, kali vy dadajacie časnok u stravu, taksama maje značeńnie. Ad hetaha zaležyć jak smak taho, što ŭ vas atrymajecca ŭ pracesie hatavańnia, tak i karyść stravy. Pry vysokich tempieraturach časnok hublaje svaje ŭłaścivaści, tamu, kali vy dadali jaho ŭ stravu ŭ pačatku hatavańnia, nie ździŭlajciesia, što vy zusim nie adčujecie jaho smak.
Kali ž vy dadaście časnok u pačatku hatavańnia smažanaj stravy, jon jašče i moža nabyć horki smak. Zrazumieła, što heta zusim nie toje, čaho vam by chaciełasia.
Ciapier raźbiaromsia z tym, nakolki treba zdrabniać časnok. Zvyčajna sadavinu i harodninu režuć na vialikija kavałki, bo tady jana lepš zachoŭvaje svaju charčovuju jakaść, ale z časnakom nie tak. Kali my jaho režam, fiermient alinaza ŭnutry časnaku pieratvarajecca ŭ kaštoŭnaje rečyva alicyn, jakoje maje supraćzapalenčyja i ŭzmacnialnyja ŭłaścivaści. Tamu čym bolš zdrabniony časnok, tym lepš, a kali paśla zdrabnieńnia jašče i pakinuć jaho na niekalki chvilin, u im budzie jašče bolš karysnych dla zdaroŭja rečyvaŭ.
Nie lubicie čyścić časnok? Jość niekalki łajfchakaŭ, jakija dapamohuć spraścić hety praces. Pa-pieršaje, kab źniać z časnaku šałupińnie, možna prosta raścisnuć jaho. Prosta pakładzicie zubok časnaku na došku, pryciśnicie jaho nažom i mocna ŭdarcie dałońniu. Inšy sposab — abchapicie zubok časnaku palcami z dvuch bakoŭ i zakrucicie jaho ŭ supraćlehłyja baki, tak šałupińnie samo sydzie z zubka.
10 najlepšych naturalnych antybijotykaŭ: što heta za raśliny i jak jany dziejničajuć?
Recept na vychadnyja. Francuzski cybulny sup — kłasika, pierad jakoj niemahčyma ŭstajać
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary