Reuters: Rasija da vajny stvaryła va Ukrainie sietku tajnych ahientaŭ — i zachapiła Čarnobylskuju AES
Ahienctva Reuters vyśvietliła, što rasijskija vojski zaniali Čarnobylskuju atamnuju elektrastancyju ŭ pieršy dzień vajny ŭ ramkach daŭniaj apieracyi Kramla dla ŭkaranieńnia sakretnych ahientaŭ.
Pa słovach piaci krynic, vajennyja śpiecyjalisty z akružeńnia Uładzimira Pucina ličyli, što dziakujučy sakretnym ahientam, Rasii spatrebicca tolki nievialikaja častka armii i niekalki dzion, kab prymusić Administracyju prezidenta Ukrainy Uładzimira Zialenskaha biehčy abo kapitulavać.
Na momant uvarvańnia, zajaviŭ ahienctvu sakratar Rady nacyjanalnaj biaśpieki i abarony Ukrainy Alaksiej Daniłaŭ, rasiejskija ahienty dziejničali ŭ orhanach abarony, biaśpieki i pravaachoŭnych orhanach.
Ukrainskija śledčyja rasśledujuć, nakolki zakonna bajcy Nachvardyi Ukrainy skłali zbroju pry atacy na Čarnobylskuju AES. Z sudovych dakumientaŭ, vyvučanych Reuters, vynikaje, što načalnika słužby biaśpieki ČAES Valancina Vitera padazrajuć u tym, što 24 lutaha jon samavolna pakinuŭ svaju pasadu. Taksama jaho padazrajuć u dziaržaŭnaj zdradzie. Viter paviedamiŭ śledčym, što ŭ dzień uvarvańnia paraiŭ kamandziru Nachvardyi «paškadavać ludziej».
Adna z krynic, znajomaja z płanami Kramla pa ŭvarvańni, zajaviła Reuters, što ŭ 2021 hodzie na Čarnobylskuju AES nakiravali rasijskich ahientaŭ, kab padkupić čynoŭnikaŭ i padrychtavać hlebu dla biaskroŭnaha zachopu. Reuters nie ŭdałosia heta niezaležna paćvierdzić.
Krynicy, abaznanyja ab płanach Kramla, taksama paviedamili, što Maskva źbirajecca aktyvizavać «śpiačych ahientaŭ» u Słužbie biaśpieki Ukrainy.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju7
Kamientary