Vučyč: Armija Kosava płanuje apoŭnačy pačać apieracyju suprać kosaŭskich sierbaŭ
Prezident Sierbii Alaksandr Vučyč zajaviŭ, što kosaŭskija siłavyja struktury źbirajucca siońnia apoŭnačy pačać siłavuju apieracyju suprać sierbaŭ, jakija kampaktna žyvuć na poŭnačy krainy i faktyčna niepadkantrolnyja ŭradu ŭ Pryšcinie.
«Dumaju, što my nikoli nie byli ŭ bolš składanaj i ciažkaj situacyi, čym siońnia. Čamu ja heta skazaŭ? Pryšcinski režym sprabuje, pradstaŭlajučy siabie achviaraj, vykarystoŭvać nastroi ŭ śviecie», — zajaviŭ prezident Sierbii.
Raniej na sierbska-kosaŭskaj miažy pačalisia ŭzbrojenyja sutyknieńni, kosaŭski śpiecnaz zakryŭ miažu ź Sierbijaj.
U 22:00 Vučyč płanuje źviarnucca da nacyi. «My budziem prasić ab miry i prasić miru, ale adrazu vam skažu: zdačy nie budzie i pieramoža Sierbija. Kali jany pasprabujuć pačać hanieńni na sierbaŭ, ździeki nad sierbami, zabojstvy sierbaŭ. Sierbija pieramoža», — zajaviŭ prezident Sierbii.
Sierbija — adna ź niamnohich jeŭrapiejskich krain, jakija navat ciapier padtrymlivajuć dobryja adnosiny z pucinskaj Rasijaj. Rasijski MZS užo vystupiŭ z zajavaŭ u padtrymku Biełhrada:
«Lidary kasavaraŭ viedajuć, što sierby nie zastanucca abyjakavymi, kali havorka idzie pra pramuju ataku na ich svabody, i naŭmysna iduć na abvastreńnie, kab zapuścić siłavy scenar. Zrazumieła, na vastryi ataki znachodzicca i Biełhrad, jaki Zachad choča dadatkova «niejtralizavać» kasavaałbanskimi rukami… Zaklikajem Pryšcinu i ZŠA dy ES, jakija stajać za joj, da spynieńnia pravakacyj i da zachavańnia pravoŭ sierbaŭ u Kosavie».
Čytajcie taksama:
Abvastryłasia situacyja na miažy Sierbii z Kosavam
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary