ŚMI paviedamlajuć, što na miažy Sierbii ź niepryznanym joj Kosavam uźnikli chvalavańni, jakija mohuć pieraraści va ŭzbrojeny kanflikt. Miascovyja žychary budujuć barykady, paviedamlajecca pra stralaninu. Armija Sierbii pryviedzienaja ŭ pavyšanuju bajavuju hatoŭnaść, a padraździaleńni śpiecpryznačeńnia Kosava pierakryli miažu.
Pavodle papiarednich źviestak, prezident Sierbii Alaksandr Vučyč rychtujecca ŭvieści vojski ŭ Kosava dla «abarony sierbskaha nasielnictva».
Raniej paviedamlałasia, što ŭ Kosava z 1 žniŭnia čakajucca niejkija strašnyja padziei. Z hetaha dnia pavodle rašeńnia ŭładaŭ Kosava, sierbskija dakumienty robiacca niesapraŭdnymi. Kiraŭnik MZS Sierbii Nikoła Siełakavič śćviardžaŭ u suviazi z hetym, što kosaŭskija ŭłady «litaralna rychtujuć piekła ŭ bližejšyja dni» dla sierbaŭ, jakija žyvuć tam.
Bolš za 90% nasielnictva Kosava składajuć ałbancy, ale jość i kala 100 tysiač sierbaŭ, jakija kampaktna žyvuć na samaj poŭnačy terytoryi. Ich centralny horad — Kosaŭska-Mitravica, padzieleny rakoj Ibar na dźvie častki: paŭdniovuju ałbanskuju i paŭnočnuju sierbskuju.
Kosaŭskija sierby nie pryznajuć zakonnaść pryznańnia niezaležnaści Kosava i ŭrad u Biełhradzie ich u hetym padtrymlivaje. Z-za hetaha pamiž sierbskaj hramadoj u Kosavie i centralnymi ŭładami ŭ Pryšcinie isnuje pastajanny ciažkavyrašalny kanflikt, faktyčna nasielenyja sierbami terytoryi Pryšcina nie kantraluje.
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam7
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary