Były siłavik rezka vykazvaŭsia pra HUBAZiK, vajnu va Ukrainie i Łukašenku. Ciapier moža atrymać da 4 hadoŭ kałonii.
Maksimu Kuroŭskamu 40 hadoŭ, skončyŭ miascovuju škołu, paśla Akademiju MUS. Pracavaŭ opieram hrupy narkakantrolu i procidziejańnia handlu ludźmi Pružanskaha RAUS.
Zatym — śledčy Pružanskaha rajadździeła Śledčaha kamiteta. Zvolniŭsia ŭ 2020 hodzie.
Kuroŭski žanaty, maje dvaich małych dačok. Žonka pracavała nastaŭnicaj pačatkovych kłasaŭ.
Niekalki hadoŭ tamu miascovaja presa navat pisała pra siamju Kuroŭskich. Žyvuć u adnušcy, marać pabudavać svoj dom. Udzielničajuć u roznych łakalnych aktyŭnaściach, kštałtu intelektualna-zabaŭlalnych kvizaŭ ci paradaŭ kalasak:
«Žonka ŭbačyła abjavu, niejak niaŭpeŭniena prapanavała Maksimu paŭdzielničać, a jon vaźmi i padtrymaj ideju.
Varta adznačyć, lohki na ŭzdym Maksim (čaho nielha skazać pra bolšaść mužčyn, zhadziciesia) nie prosta prydumaŭ ahulnuju ideju dla vobrazu siamji Kuroŭskich, ale i ŭziaŭ na siabie amal usie kłopaty pa padrychtoŭcy. Jon pieraabstalavaŭ kalasku dački ŭ «karabiel Elizabiet», zmajstravaŭ kaściumy dla siabie i žonki, jakija, zhodna z zadumaj, paŭstali ŭ vobrazach pirataŭ Karybskaha mora. Na toj momant u siamji padrastała tolki dačuška Liza, — pisaŭ miascovy partał budni.by. —
A dva hady tamu Julija i Maksim zaviali jašče adnu siamiejnuju tradycyju — pieraapranacca ŭ kaściumy Dzieda Maroza i Śniahurki i vinšavać rodnych i znajomych z Novym hodam. Kožny hod napiaredadni śviata jany biezvynikova mitusilisia ŭ pošukach kaściumaŭ, pakul adnojčy Maksim nie skazaŭ: «Niaŭžo ja, čałaviek z vyšejšaj adukacyjaj, nie raźbiarusia, jak robicca vykrajka i ź jakoha boku padychodzić da šviejnaj mašynki?!» Tak u šafie Kuroŭskich źjavilisia kaściumy, jakija jany apranajuć, čym dorać pryjemnyja emocyi jak dzieciam, tak i darosłym».
Maksima Kuroŭskaha zatrymali niekalki dzion tamu, akramia jaho viadoma minimum pra traich zatrymanych z Pružan.
Jak vynikaje z paviedamleńniaŭ siłavikoŭ, pretenzii ŭźnikli da kamientaraŭ, jakija Kuroŭski pakidaŭ u telehram-čatach.
Adznačym, pisaŭ eks-śledčy na biełaruskaj movie:
Na videa, jakoje apublikavaŭ brescki HUBAZiK, Maksim Kuroŭski kaža, što jaho padazrajuć u napisańni kamientaraŭ, jakija abražajuć Łukašenku. Heta artykuł 368 KK, pakarańnie ad štrafu da 4 hadoŭ kałonii.
Kamientary