U Kitai prydumali, jak prasłuchoŭvać pamiaškańni praz optavałakonnyja kabieli
Kitajskija daśledčyki z Univiersiteta Cinchua raspracavali techniku padsłuchoŭvańnia razmoŭ u pamiaškańni, praź jakoje prachodzić aptyčny kabiel, jaki, naprykład, vykarystoŭvajecca dla padłučeńnia da Internetu, piša Dev.by.
Hukavyja vahańni stvarajuć pierapady cisku pavietra, z-za jakich u aptyčnym kabieli ŭźnikajuć mikravibracyi, jakija madulujucca ź pieradavanaj praz kabiel śvietłavoj chvalaj. Skažeńni, jakija ŭźnikajuć, možna praanalizavać na davoli vialikaj adlehłaści pry dapamozie łaziernaha interfieramietra Maksa — Cendera.
Padčas ekśpierymientu navukoŭcy zmahli całkam razabrać razmovu, jakaja hučyć pry najaŭnaści ŭ pamiaškańni pierad mademam trochmietrovaha adkrytaha kavałka aptyčnaha kabiela. Vymiareńnie rabili na adlehłaści 1,1 km ad kanca kabiela, jaki znachodziŭsia ŭ pamiaškańni.
Dalokaść prasłuchoŭvańnia i mahčymaść filtracyi pieraškod napramuju zaležyć ad daŭžyni, na jakoj znachodzicca kabiel u pamiaškańni: pry jaje źmianšeńni pamianšajecca i maksimalnaja adlehłaść, ź jakoha mahčymaje prasłuchoŭvańnie.
Vyznačeńnie i adnaŭleńnie hukavoha sihnału ŭ sietkach aptyčnaj suviazi možna realizavać niezaŭvažna dla abjekta prasłuchoŭvańnia i biez parušeńnia vykarystoŭvanych kamunikacyjnych funkcyj. Dla ŭklińvańnia ŭ kanał suviazi daśledčyki vykarystoŭvali multypleksier z padziełam pa daŭžyni chvali. Dadatkovaje źnižeńnie ŭzroŭniu fonavaha šumu dasiahajecca praz bałansavańnie plačej interfieramietra.
Dla supraćdziejańnia prasłuchoŭvańniu prapanujecca skaračać daŭžyniu aptyčnaha kabiela, jaki znachodzicca ŭ pamiaškańni, i raźmiaščać jaho ŭ ćviordych kabiel-kanałach. Taksama źnizić efiektyŭnaść prasłuchoŭvańnia dazvolić padklučeńnie nachilnych aptyčnych raźjomaŭ APC (Angled Physical Connect) zamiest kaniektaraŭ ź plaskatym tarcom (PC).
Vytvorcam aptyčnych kabielaŭ rekamiendavana vykarystoŭvać dla pakryćcia optavałakna materyjały z vysokim modulem pruhkaści, takija jak mietał i škło.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni29
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1010
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»10
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary