Minsielhascharč: Małaka kolki zaŭhodna, a voś z tetrapakami prablema
Namieśnik ministra sielskaj haspadarki i charčavańnia Vadzim Šahojka prakamientavaŭ čutki pra niedachop małaka ŭ kramach. Pavodle jahonych słoŭ, małaka na ŭnutranym rynku dastatkova, ale z-za sankcyj jość składanaści z tetrapakami, pieradaje BiełTA.
«U krainie vielmi vysoki ŭzrovień raźvićcia małočnaj žyviołahadoŭli. Pry vytvorčaści ŭ minułym hodzie 7,8 młn ton małaka my spažyvajem paradku 3 młn ton, astatniaje ekspartujecca.
Sioleta ŭ nas praciahvajecca tendencyja da naroščvańnia abjomaŭ vytvorčaści. Małako adpraŭlajecca na pierapracoŭku, my vyrablajem šyroki asartymient syroŭ, masła, celnamałočnaj pradukcyi. Zabiaśpiečvajem patreby našaha nasielnictva na 100%, heta pieršaradnaja zadača», — padkreśliŭ Vadzim Šahojka.
U toj ža čas čynoŭnik adznačyŭ, što jość prablemy z upakoŭkaj, dziela čaho źmianšajecca asartymient pradukcyi: «Jość peŭnyja składanaści z tetrapakami, ale heta pytańnie vyrašajecca. Našyja vytvorcy šukajuć inšyja rynki pastaŭki dadzienaj upakoŭki, prapracoŭvajecca supracoŭnictva z vytvorcami Kitaja i inšych družalubnych krain… A pakul, kab nie było źmianšeńnia abjomaŭ, biełaruskija vytvorcy aktyŭna pierastroilisia na vytvorčaść małaka ŭ PET-butelcy, u ploncy».
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary