Мінсельгасхарч: Малака колькі заўгодна, а вось з тэтрапакамі праблема
Намеснік міністра сельскай гаспадаркі і харчавання Вадзім Шагойка пракаментаваў чуткі пра недахоп малака ў крамах. Паводле ягоных слоў, малака на ўнутраным рынку дастаткова, але з-за санкцый ёсць складанасці з тэтрапакамі, перадае БелТА.
«У краіне вельмі высокі ўзровень развіцця малочнай жывёлагадоўлі. Пры вытворчасці ў мінулым годзе 7,8 млн тон малака мы спажываем парадку 3 млн тон, астатняе экспартуецца.
Сёлета ў нас працягваецца тэндэнцыя да нарошчвання аб'ёмаў вытворчасці. Малако адпраўляецца на перапрацоўку, мы вырабляем шырокі асартымент сыроў, масла, цэльнамалочнай прадукцыі. Забяспечваем патрэбы нашага насельніцтва на 100%, гэта першарадная задача», — падкрэсліў Вадзім Шагойка.
У той жа час чыноўнік адзначыў, што ёсць праблемы з упакоўкай, дзеля чаго змяншаецца асартымент прадукцыі: «Ёсць пэўныя складанасці з тэтрапакамі, але гэта пытанне вырашаецца. Нашыя вытворцы шукаюць іншыя рынкі пастаўкі дадзенай упакоўкі, прапрацоўваецца супрацоўніцтва з вытворцамі Кітая і іншых дружалюбных краін… А пакуль, каб не было змяншэння аб'ёмаў, беларускія вытворцы актыўна перастроіліся на вытворчасць малака ў ПЭТ-бутэльцы, у плёнцы».
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары