«Ciapier u mianie niama doma». Hałoŭnaja redaktarka «Novaha času» Aksana Kołb pakinuła Biełaruś
Aksana Kołb była asudžanaja da dvuch z pałovaj hadoŭ chimii pa narodnym artykule 342 (udzieł u biesparadkach). Pra svoj adjezd jana paviedamiła ŭ fejsbuku, anansujučy hutarku z saboj u haziecie «Novy čas».
«Heta razmova adbyłasia napiaredadni majho 54-ha dnia narodzinaŭ, jaki ja sustreła razam ź siabrami. Tady ja jašče nie viedała, što ŭ dadatak da 2,5 hadoŭ chimiii atrymaju 13 sutak pa art. 19.11 i što mianie znoŭ buduć šukać śledčyja centralnaha aparatu SK.
I navat ujavić sabie nie mahła, što amal praź miesiac budu matlacca pa čužych krainach. Ciapier u mianie niama doma. Ale jość adna vialikaja mara — siadzieć u pieršym šerahu padčas vialikaha trybunała, dzie buduć sudzić usich tych, chto pazbaviŭ nas radzimy, a kahości i svabody», — napisała jana.
Aksana Kołb była zatrymanaja 20 krasavika, a 15 červienia asudžanaja na 2,5 hoda chimii pa č. 1 art. 342 (udzieł u dziejańniach, jakija hruba parušajuć hramadski paradak). Kołb vyzvalili ŭ zale suda da času adbyćcia pakarańnia. Tady jana zajaŭlała, što nie źbirałasia pakidać Biełaruś, ale dadatkovyja sutki i imaviernaść novaj spravy prymusili pamianiać rašeńnie.
Čytajcie taksama:
«17 hadoŭ pražyła ŭ internatach — kłapami mianie nie napužać». Vialikaja hutarka z redaktarkaj Aksanaj Kołb paśla prysudu
-
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika
-
«Ja tupiŭ. I sumniavaŭsia. I rvaŭsia pamiž niekalkimi pačućciami. I ciapier mnie soramna». Kranalnaj historyjaj padzialiŭsia biełaruski śviatar
-
Praŭładny błohier pachvaliŭsia, što atrymaŭ śmiešny majomasny padatak. Ale ŭ kamientaryjach jaho prymusili raskryć praŭdu
Kamientary