U Minsku vystavili na aŭkcyjon try kvatery daŭžnikoŭ. Voś ceny
U Minsku z-za daŭhoŭ ułaśnikaŭ na aŭkcyjon vystavili adrazu try niadrennyja kvatery, piša Onliner.by.
Pieršaja znachodzicca pa adrasie prajezd Haładzieda, 13. Heta dvuška płoščaj 49,9 kv. m. Miarkujučy pa fatahrafijach, unutry novaha ŭładalnika čakaje saviecki ramont. Ale zatoje ŭ kvatery jeść usia nieabchodnaja mebla. I jašče adzin prapisany čałaviek. Pačatkovy košt łota — 99824 rubli ($38691 pa kursie).
Druhi varyjant — heta aryštavanaja adnapakajoŭka na vulicy Zasłaŭskaj, niedaloka ad stancyi mietro «Frunzienskaja». Pamier — 35,5 «kvadrata». Žyllo całkam pustoje. Startavy košt — 140000 rubloŭ ($54264 u ekvivalencie). Nu i abciažarańnie ŭ vyhladzie zabarony na ździajśnieńnie rehistracyjnych dziejańniaŭ.
Abodva aŭkcyjony projduć 23 žniŭnia. A voś treci adbudziecca ŭžo 1 vieraśnia. Pazmahacca možna budzie za čatyrochpakajovuju kvateru pa adrasie praśpiekt Niezaležnaści, 149. Płošča — 57,4 kv. m., pačatkovy košt — 193732 rubli (75090 u.a.). Ź niuansaŭ — najaŭnaść dahavoraŭ najmu, zaklučanych ź piaćciu ludźmi, i ipateka.
Kamientary