BT kaža, što jeŭrapiejcam praz sankcyi niama čaho jeści i jany zapuścili fłešmob «pustych talerak». Ale voś chto nasamreč staić za fłešmobam
Biełaruskija i rasijskija prapahandysty zapuścili čarhovy fejk. Śćviardžajecca, što biednyja jeŭrapiejcy tak cierpiać praz sankcyi, što zapuścili ŭ sacsietkach fłešmob «pustych talerak» pad chešteham #againstSanctions. Praŭda, kali pierajści pa cheštehu, adkryvajucca cikavyja detali.
«Pakul palityki vinavaciać u ekanamičnych biedach Rasiju, pandemiju abo lubyja źniešnija faktary, jeŭrapiejcy ŭ spustašeńni kašalkoŭ vinavaciać isteryčnyja dziejańni čynoŭnikaŭ. «Płacicie sa svajoj kišeni!» Taki pasył jeŭrapiejcaŭ uładam. Fłešmob nabiraje papularnaść u sacsietkach. Karystalniki raźmiaščajuć fatahrafii pustych talerak i kubkaŭ. Zhadvajuć u publikacyjach i vinavatych u hałodnych fota — Dudu, Džonsana i inšych palitykaŭ», — paviedamlaje adzin łukašenkaŭski telekanał.
«Jak upłyvajuć sankcyi na žyćcio žycharoŭ Jeŭropy, lepš za ŭsio pakazvaje fłešmob, zapuščany samimi jeŭrapiejcami ŭ sacsietkach. U pramym sensie na zaniadbanaść situacyi pakazvajuć svaim uładam usio bolš žycharoŭ Staroha Śvietu. Pustyja talerki i tłumačeńni na roznych movach — tam, dzie pavinien byŭ być abied, ale hrošy syšli na apłatu sankcyj», — paviedamlaje inšy.
Što ž, davajcie pahladzim na hety «fłešmob».
Pišuć pra hety «fłešmob» vyklučna rasijskija prapahandysty, zachodnija miedyja pra jaho čamuści ničoha nie viedajuć.
My prajšlisia pa cheštehu ŭ tvitary, značnaja častka dopisaŭ pad im — heta paviedamleńni rasijskich ŚMI.
Ale jość niekalki tvitaŭ ad «jeŭrapiejcaŭ». Zachodzim da «niemca» Chiejka Chaŭślera, jaki piša paviedamleńnie pad hetym chešteham. «Niemiec» zarehistravaŭsia ŭ tvitary ŭ lipieni, a hetaje paviedamleńnie z chešteham — adzinaje. Toje samaje ŭ «francužanki» Łaŭry Lebiel, «polki» Maryi Mruz — jany zarehistravalisia ŭ kancy lipienia i napisali adziny tvit.
Anałahična ŭ «italjanca» Fabia Kipryjani, «brytanca» Dejła Janha.
Toje, što prapahanda vydaje za «ahulnajeŭrapiejski fłešmob», padobna prosta na niekalki botaŭ.
Čytajcie taksama:
«Amieryka pastaŭlaje va Ukrainu zbroju dla zabojstva, a Rasija — kambajny dla ŭradžaju». Hladzicie, jak iłže kiraŭnica Sajuza žančyn
«Asnoŭnyja dasiahnieńni pieršaha hoda piacihodki». Pračytali mietadyčku ideołahaŭ dla «dzion infarmavańnia» — poŭna śmiešnaj chłuśni
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary