Aleh Dzierypaska padaŭ u sud na Aleha Cińkova za abrazy. Jon patrabuje 2 miljardy rasijskich rubloŭ
Biznesmien Aleh Dzierypaska źviarnuŭsia ŭ sud ź iskam ab abaronie honaru i hodnaści. Adkazčyki — viadomy biznesmien, zasnavalnik banka «Tińkoff» Aleh Cińkoŭ i kampanija Meta, paviedamlaje «Intierfaks».
Isk padadzieny ŭ rajonny sud Krasnadarskaha kraju, na zaŭtra pryznačany pačatak razhladu.
Pa słovach advakata Dzierypaski Alaksieja Mielnikava, isk padadzieny z-za abraźlivych vykazvańniaŭ Cińkova ŭ fejsbuku.
Ź Cińkova Dzierypaska prosić spahnać 2 miljardy rubloŭ u jakaści kampiensacyi maralnaj i reputacyjnaj škody. Taksama Dzierypaska prosić sud abaviazać vydalić z fejsbuka «infarmacyju, što nie adpaviadaje rečaisnaści».
Jaki mienavita post Cińkova staŭ pryčynaj zvarotu ŭ sud rasijskaha aliharcha, nie ŭdakładniajecca.
U krasaviku abmiarkoŭvałasia, što Cińkoŭ u kamientaryjach u fejsbuku paprasiŭ nie paraŭnoŭvać jaho ź Dzierypaskam, nazvaŭšy jaho «aliharcham i złodziejem», a samoha siabie — sumlennym pradprymalnikam, nahadvaje «Mieduza».
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary
to šansy u Dieripaski sovsiem płochije!