Ukrainskija piśmieńniki patrabujuć zakryć muziej Bułhakava ŭ Kijevie
U Sakrataryjacie Nacyjanalnaha sajuza piśmieńnikaŭ Ukrainy inicyjujuć zakryćcio muzieja ruskaha piśmieńnika ŭ centry stalicy. Pra heta havorycca ŭ zvarocie Sajuza, piša «Ukrainskaja praŭda».
Piśmieńniki ličać niedapuščalnym funkcyjanavańnie ŭ Kijevie muzieja ruskaha piśmieńnika, jaki, maŭlaŭ, nienavidzieŭ Ukrainu i hańbiŭ jaje ŭ svaich tvorach.
«Bułhakaŭ, pa sutnaści, źjaŭlajecca adnym z papiarednikaŭ hetaha prasłavutaha «ruskaha śvietu», i heta jarka adlustravana ŭ jaho niebiaśpiečnych knihach, dzie jon apieŭ i ŭźvialičyŭ nie tolki caryzm i manarchiju, ale i biesčałaviečnuju žorstkaść, jakaja ŭłaścivaja rasijanam i źjaŭlajecca asnoŭnaj rysaj rasijskaj nacyi. Jaho hreblivaje napyšlivaje staŭleńnie da Ukrainy vyklikaje tolki ščyry hnieŭ i pačućcio ahidy», — adznačyli ŭ Sajuzie piśmieńnikaŭ.
U arhanizacyi taksama dadali, što prysutnaść hetaha piśmieńnika ŭ kulturnaj prastory niasie ŭ sabie niebiaśpieku dla ŭkrainskaj identyčnaści i dziaržaŭnaści. Usie muziejnyja ekspanaty piśmieńnicki sajuz prapanuje pieradać na archiŭnaje zachoŭvańnie ŭ Nacyjanalny muziej litaratury.
U budynku ž muzieja Bułhakava prapanujecca stvaryć muziej ukrainskaha kampazitara Alaksandra Košyca, jaki žyŭ u hetym domie da 1906 hoda.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju7
Kamientary