У Сакратарыяце Нацыянальнага саюза пісьменнікаў Украіны ініцыююць закрыццё музея рускага пісьменніка ў цэнтры сталіцы. Пра гэта гаворыцца ў звароце Саюза, піша «Украінская праўда».
Пісьменнікі лічаць недапушчальным функцыянаванне ў Кіеве музея рускага пісьменніка, які, маўляў, ненавідзеў Украіну і ганьбіў яе ў сваіх творах.
«Булгакаў, па сутнасці, з'яўляецца адным з папярэднікаў гэтага праславутага «рускага свету», і гэта ярка адлюстравана ў яго небяспечных кнігах, дзе ён апеў і ўзвялічыў не толькі царызм і манархію, але і бесчалавечную жорсткасць, якая ўласцівая расіянам і з'яўляецца асноўнай рысай расійскай нацыі. Яго грэблівае напышлівае стаўленне да Украіны выклікае толькі шчыры гнеў і пачуццё агіды», — адзначылі ў Саюзе пісьменнікаў.
У арганізацыі таксама дадалі, што прысутнасць гэтага пісьменніка ў культурнай прасторы нясе ў сабе небяспеку для ўкраінскай ідэнтычнасці і дзяржаўнасці. Усе музейныя экспанаты пісьменніцкі саюз прапануе перадаць на архіўнае захоўванне ў Нацыянальны музей літаратуры.
У будынку ж музея Булгакава прапануецца стварыць музей украінскага кампазітара Аляксандра Кошыца, які жыў у гэтым доме да 1906 года.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы60
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары