Niejrabijołah prapanavaŭ piać prostych pryjomaŭ, jakija dapamohuć źnizić ryzyku depresii
Ben Rejn raspaviadaje pra toje, jak pastaracca paźbiehnuć depresii i jak jana ŭpłyvaje na mozh, piša «Papularnaja miechanika».
Vialikaje depresiŭnaje rasstrojstva, taksama viadomaje jak kliničnaja depresija, charaktaryzujecca pastajannym pryhniečanym nastrojem abo strataj cikavaści da dziejnaści, što paharšaje paŭsiadzionnaje žyćcio. Kali my chvoryja na depresiju, tłumačyć Rejn, niekatoryja ŭčastki našaha mozhu mohuć źmianšacca i navat hublać abjom šeraha rečyva. Hetyja ŭčastki ŭklučajuć hipakamp, jaki kiruje pamiaćciu i navučańniem, i pryfrantalnuju karu, jakaja kiruje myśleńniem bolš vysokaha ŭzroŭniu.
Niahledziačy na vialikuju kolkaść daśledavańniaŭ kliničnaj depresii, niejrabijołahi nie da kanca ŭpeŭnienyja ŭ tym, što adbyvajecca ŭ mozhu ludziej, jakija chvarejuć na depresiju. U ciapierašni čas isnuje dva raspaŭsiudžanyja mietady lačeńnia depresii: kahnityŭna-pavodzinskaja terapija (KPP) i pryznačeńnie antydepresantaŭ, takich, jak sielektyŭnyja inhibitary zvarotnaha zachopu sierataninu (SIZZS). Asabliva efiektyŭnymi ŭ lačeńni depresii apynulisia SIZZS, efiekt jakich, imavierna, abumoŭleny uzmacnieńniem pieradačy sihnałaŭ sierataninu.
Pryčyna depresii šyroka abmiarkoŭvałasia na praciahu apošnich niekalkich dziesiacihodździaŭ, choć niekatoryja daśledčyki miarkujuć, što niedachop sierataninu ŭ mozhu moža vyklikać depresiju. Ale ahlad, apublikavany ŭ minułym miesiacy ŭ časopisie «Malekularnaja psichijatryja», abviarhaje hetuju hipotezu. «Naš ŭsiebakovy ahlad asnoŭnych kirunkaŭ daśledavańniaŭ sierataninu pakazaŭ, što niama pierakanaŭčych dokazaŭ taho, što depresija vyklikanaja źnižeńniem kancentracyi abo aktyŭnaści sierataninu abo źviazanaja ź im», — adznačajuć aŭtary.
Adnak heta nie aznačaje, što vam varta admovicca ad pryjomu antydepresantaŭ, kali ŭ vas dyjahnastavana kliničnaja depresija. «Nie abaviazkova, kab prablema była vyrašanaja ŭ mozhu», — kaža Rejn.
Dyk jak praduchilić depresiju? Pa słovach Rejna, jość piać prostych i vielmi dziejsnych paradaŭ:
- Kožnuju noč śpicie stolki, kab vysypacca;
- Sačycie za charčavańniem i ježcie bolej zdarovaj ježy;
- Rehularna davajcie sabie fizičnyja nahruzki;
- Zajmajciesia refleksijami, miedytacyjaj, davajcie sabie intelektualnuju nahruzku;
- Paźbiahajcie sacyjalnaj izalacyi.
Čytajcie jašče:
Ci praŭda, što my vykarystoŭvajem tolki 10 pracentaŭ mozhu? Adkazvaje niejrabijołah
Stvaryli servis, jaki dazvalaje biaspłatna palepšyć staryja fota. Pakazvajem, jak jon pracuje
Navošta ŭvohule patrebnyja virusy? Bieź ich nas mahło b nie być
Paśla 2020-ha ad Jarmošynaj admoviŭsia navat sadoŭnik, jaki stryh jaje kusty ŭ Drazdach4
Kamientary
V intierv́ju žurnału «Chjuston Kronikł» v 1996 h. Mielissa Cholidiej, aktrisa v iźviestnom sieriale «Spasatieli Malibu» i modiel žurnała «Plejboj», otmietiła, čto eto lečienije, kotoroje ona połučiła v 1995 hodu, razrušiło jejo žizń. «Ja pieriežiła iznasiłovanije, no elektrošokovaja tierapija chužie. Jeśli vy eto nie ispytali, ja nie smohu vam etoho objaśniť» (Viki)
Nie bolejtie.