Zavod «BiełDžy» płanuje vypuścić da kanca hoda 12 tysiač aŭtamabilaŭ
Pra heta ŭ intervju prahramie «Kontury» na telekanale ANT paviedamiŭ vice-premjer Biełarusi Piatro Parchomčyk. Jon nahadaŭ, što ź vieraśnia zavod pačynaje pracavać na poŭnuju mahutnaść.
«Dumaju, što ŭsie spažyŭcy, jakija zachočuć nabyć lehkavy aŭtamabil marki «BiełDžy», buduć zadavolenyja. Płanujem za astatnija miesiacy vyrabić kala 12 tysiač aŭtamabilaŭ. U pryncypie, u hrašovym vyražeńni my vyjdziem na toj ža abjom, jaki zrabili ŭ minułym hodzie. Kalektyŭ pracuje, svoječasova atrymlivaje zarabotnuju płatu. Nu i asnoŭnyja pytańni, ja liču, što vyrašanyja», — zajaviŭ vice-premjer.
U kancy žniŭnia Parchomčyk paviedamiŭ, što zavodu ŭdałosia vyrašyć amal usie pytańni z kitajskimi partniorami, choć dahetul havaryłasia, što vykanańnie vytvorčych płanaŭ pad pytańniem, bo nie pastaŭlajucca z-za sankcyj nieabchodnyja kamplektujučyja.
Kamientary