Miljarder i hramadski dziajač Džordž Soras ličyć, što ciapierašni hłabalny kryzis — «najhoršy za čas našaha žyćcia».
Miljarder i hramadski dziejač Džordž Soras ličyć, što ciapierašni hłabalny kryzis — «najhoršy za čas našaha žyćcia».
Jak zajaviŭ Soras padčas telemasta na 6‑m Jałcinskim štohadovym samicie YES (Yalta European Strategy), mižnarodnaja finansavaja sistema była faktyčna na štučnym žyćciezabieśpiačeńni, jakoje padtrymlivałasia pry dapamozie vielizarnaha pakieta fiskalnych stymułaŭ. Siońnia, pa jaho słovach, suśvietnaja finansavaja sistema «pavolna i ciažka, ale ŭsio‑taki viartajecca da zvyčajnaha stanu», pieradaje ahienctva «Finmarkiet».
Ekanamičny rost u śviecie budzie pavolnym i «pryhłušanym» na praciahu bližejšych hadoŭ. Pryčym, dadaŭ jon, «u nastupnym hodzie ci praz hod my budziem śviedkami jašče adnaho padzieńnia».
Adnym z faktaraŭ, jakija mohuć spryjać azdaraŭleńniu ekanomiki, miljarder nazvaŭ pierachod da nazapašvalnych finansavych pavodzin. Jon ličyć, što nieabchodna rabić bolš źbieražeńniaŭ. «Bolš za ŭsich papakutavali krainy — i ŭ pieršuju čarhu ZŠA — dzie spažyŭcy zanadta spadziavalisia na ipateku, nie ekanomili, navat dapuskali admoŭny ŭzrovień źbieražeńniaŭ, što niehatyŭna adbiłasia na situacyi, kali košty na žyllo ŭpali», — zajaviŭ jon.
Ssoŭvańnie centraŭ upłyvu ŭ suśvietnaj ekanomicy budzie praciahvacca, i amierykanskaja ekanomika naŭrad ci budzie ruchavikom ekanomiki ŭsiaho śvietu. Pry hetym, zaŭvažyŭ miljarder, Kitaj budzie raźvivacca, budzie ruchavikom. «Ale, pakolki kitajskaja ekanamičnaja moc mienšaja za moc ZŠA, u cełym pa śviecie ekanomika budzie raźvivacca i raści bolš pavolna», — ličyć Soras.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu27
Kamientary