Sioletnija vučeńni i anturaž vakoł ich nahadvajuć červień 1941 h., kali ŭ viosku pryjšli pieršyja viasiołyja niemcy. Piša Rusłan Raviaka.
Sioletnija vučeńni i anturaž vakoł ich nahadvajuć červień 1941 h., kali ŭ viosku pryjšli pieršyja viasiołyja niemcy. Piša Rusłan Raviaka.
Dźvie apošnija suboty ja pravioŭ na baćkoŭskim leciščy pad Baranavičami, zabaŭlajučysia pavietranym paradam vajskovaj techniki.
Dapamahajučy baćkam źbirać uradžaj, kožnyja piać chvilin moh nazirać u niebie raznastajnyja viertaloty i samaloty. Jany latajuć parami, utroch, adzincami, niasucca vysoka ŭ niebie ci zavisajuć nad razorami. Hielikoptery naahuł roznaj afarboŭki.
Pa horadzie hulaje čutka, što na vučeńniach užo zahinuŭ adzin rasiejski aficer.
Niedaloka ad lecišča, za jakich 10 km, adbyvajecca škaleńnie rasiejskich i biełaruskich vajskoŭcaŭ, a taksama pryzvanych na zbory —«partyzanaŭ». U horadzie ŭ adpaviednaje nadvorje čuvać streły i vybuchi.
U Baranavičach amal štodnia pierakryvajuć ruch — snoŭdajuć kałony vajskovaj techniki z rasiejskimi numarami.
Na tym tydni ŭ horadzie kala hatelu źjavilisia aŭtobusy z rasiejskimi numarami i aŭto z nadpisam «Ochrana priezidienta». Panajechała šmat rasiejskich supracoŭnikaŭ śpiecsłužbaŭ. Vidać, buduć rychtavać navakolle da pryjezdu Miadźviedzieva, šukać hruzina-čačenskich terarystaŭ u biełaruskich huščarach. U piatnicu bolšaść znajomych palaŭničych atrymała zahad zdać u milicyju strelby i naboi. A dla rasiejskaha vojska, taksama pa čutkach, buduć davać kancert biełaruskija vykanaŭcy — na baranavickim vajskovym aeradromie budujuć scenu.
Biełarusy na prysutnaść čužoha vojska nie zvažajuć. Adčuli jaho chiba drobnyja pradprymalniki na kirmašy — bo ŭschodnija susiedzi kuplajuć šmat roznych «tannych rečaŭ». Narakajuć hrybniki — na Laśnianskim palihonie zaŭždy dobryja hryby rastuć, a ciapieraka tudy nie puskajuć — snarady rvucca, tanki jeździać. Niebiaśpiečna.
Dumaŭ, što vučeńni tyčać tolki Baranavič i navakolla, ažno nie. U niadzielu jeździli ŭ hości da ciotki pad Lidu. Dyk pry darozie la niekališniaha dvara z napaŭrazburanaj chataju pabačyŭ rasiejski hruzavik, a pobač desantniki (uviečary pa televizary skazali, što adbyłosia masavaje desantavańnie) abtrasali ničyjnyja jabłyni. Niepadalok na kałhasnym poli z kukuruzaju ŭ roznych miescach padazrona viravali chvali. Čamuści pryhadalisia savieckija filmy pra pačatak vajny i źjaŭleńnie ŭ vioscy pieršych viasiołych niemcaŭ…
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary