Śviataru Uładzisłavu Bahamolnikavu dadali jašče 15 sutak aryštu. Jon za kratami z 31 žniŭnia
Śviatar byŭ zatrymany 31 žniŭnia.
U hety dzień supracoŭniki HUBAZiK vyłamali dźviery ŭ kvateru pravasłaŭnaha śviatara Uładzisłava Bahamolnikava i zatrymali jaho. Na nastupny dzień śviatara asudzili na 14 sutak aryštu. Ale 14 vieraśnia jaho pierazatrymali pa novym pratakole i znoŭ asudzili na 15 sutak pavodle art. 19.11 KaAP. Padstavaj staŭ repost z «ekstremisckaha» kanała.
Jak paviedamlaje «Chryścijanskaja vizija», 16 vieraśnia nad Uładzisłavam adbyŭsia treci sud. Vynikam stali čarhovyja 15 sutak. Ahułam za kratami śviatara buduć utrymlivać 44 dni. Taksama paviedamlajecca, što jon pierachvareŭ u niavoli na kavid. Nahadajem, dla «palityčnych» na Akreścina pieradačy nie prymajuć.
Bahamolnikaŭ — vykładčyk Minskaj duchoŭnaj akademii, abviaščaŭ haładoŭku ŭ padtrymku palitviaźnia Ihara Łosika, a taksama słužyŭ lityju pa zabitym siłavikami Ramanu Bandarenku.
Kamientary