Dva fakty adbylisia na Stolinščynie z roźnicaj u niekalki dzion. Padrabiaznaści paviedamlaje adździaleńnie infarmacyi i hramadskich suviaziaŭ UUS Bresckaha abłvykankama.
U pieršym vypadku ŭ RAUS źviarnuŭsia 52-hadovy žychar rajona, jaki paviedamiŭ, što źbiraŭ žuraviny ŭ bałocistaj miascovaści. Sabraŭšy da abiedu kala 30 kiłahramaŭ jahad, jon pakinuŭ ich u miašku na ŭskrajku lesu pobač sa svaim rovaram, a sam adpraviŭsia praciahvać zbor. Viarnuŭšysia ŭviečary, mužčyna nie znajšoŭ pakinutaha miaška i paviedamiŭ pra heta ŭ milicyju.
Apieratyŭniki chutka znajšli vykradalnika. Im akazaŭsia 17-hadovy navučeniec adnoj z navučalnych ustanoŭ rajcentra, jaki ŭ toj dzień taksama adpraviŭsia ŭ les u jahady. Jak chłopiec rastłumačyŭ, jon napiaredadni złoŭžyvaŭ ałkaholem, a tamu zamiest zboru jahad paŭdnia praspaŭ. Viartacca dachaty biez zdabyčy chłopcu nie chaciełasia, tamu, ubačyŭšy pakinuty biez nahladu miech žuravin, jon zabraŭ jaho sabie, paśla čaho za biascenak realizavaŭ skupščykam za 60 rubloŭ, a hrošy patraciŭ na ŭłasnyja patreby.
U druhim vypadku ŭ milicyju pra kradziež paviedamiŭ 27-hadovy žychar rajona. Mužčyna paskardziŭsia, što zachoŭvaŭ u haspadarčaj pabudovie 165 kiłahramaŭ sabranych žuravin, a tym časam praz sacsietki padaŭ abjavu ab ich prodažy. Pakupnik, jaki adhuknuŭsia na abjavu, ahledzieŭ tavar, ale jaho nibyta nie zadavoliŭ zapytany košt, tamu jon źjechaŭ. A na nastupny dzień haspadar vyjaviŭ, što ź dźviarej chlava sarvany zamok, a jahady skradzienyja.
Supracoŭniki kryminalnaha vyšuku ŭstanavili, što niepracujučy 24-hadovy žychar rajona vyrašyŭ padzarabić na pieraprodažy chadavoha ŭ hety siezon tavaru — žuravin. Mužčyna pryjechaŭ pahladzieć prapanavany ŭ abjavie tavar. Ubačyŭšy, što haspadar zachoŭvaje sabrany ŭradžaj u chlavie, jaki znachodzicca dastatkova daloka ad doma i navodšybie, vyrašyŭ nie płacić za jaho, a viarnucca nočču i zabrać biaspłatna.
Suprać abodvuch parušalnikaŭ zaviedzienyja kryminalnyja spravy za kradziež.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary