Paśla zabarony pavyšać ceny niekatoryja rajspažyŭtavarystvy paprybirali rascenki z sajtaŭ
Paznačana, što «cana dahavornaja i moža źmianiacca z ulikam kanjunktury rynku». Na heta źviarnuła ŭvahu «Miedyja-Paleśsie».
Z 6 kastryčnika ceny ŭ Biełarusi pavyšać zabaranili — «za vyklučeńniem indyvidualnych rašeńniaŭ ministra abo staršyni abłvykankama». Za parušeńnie pryhrazili zatrymańniami i kryminalnymi spravami.
Pavodle źviestak Kamiteta dziaržkantrolu, zafiksavana niamała vypadkaŭ, kali jabłyki, cybulu, buraki i kapustu sielhaspradpryjemstvaŭ pierakupščyki pradavali z nacenkaj pad 300%.
Ranicaj 7 kastryčnika ni na adnym z sajtaŭ rajspažyŭtavarystvaŭ — Łuninieckaha, Pinskaha i Stolinskaha — nie akazałasia rascenak na zakupku harodniny ŭ nasielnictva. Paznačana, što «cana dahavornaja i moža źmianiacca z ulikam kanjunktury rynku».
Da hetaha zakupačnyja ceny, naprykład u Stolinskim spažyŭtavarystvie, abnaŭlalisia dvojčy — ranicaj i dniom. Ciapier na hetym miescy pusta.
Raniej «Miedyja-Paleśsie» raspaviadała pra situacyju z prodažam aharodniny ŭ Stolinskim rajonie. U fiermieraŭ kapustu zakuplali pa 20 kapiejek, a na rynkach i ŭ kramach pradavali ŭ niekalki razoŭ daražej. U asobnych vypadkach roźnica składała 12,5 razu. U siaredzinie lipienia alšanskuju kapustu zdavali pa 5 kapiejek za kiło na korm žyviole.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary