Amierykanski Minfin prapanuje ŭstalavać limitnuju canu rasijskaj nafty na ŭzroŭni kala 60 dalaraŭ za barel. Takuju stol ahučyła 13 kastryčnika na sustrečy Mižnarodnaha valutnaha fondu i Suśvietnaha banka ministarka finansaŭ ZŠA Džaniet Jelen.
Amierykanskaja čynoŭnica nahadała, što meta ŭviadzieńnia stoli cen — dać mahčymaść Rasii praciahvać zdabyvać naftu i pradavać jaje vyšej sabiekoštu, ale pazbavić pry hetym zvyšprybytkaŭ ad vysokich cen, jakija składvajucca siońnia. U kančatkovym vyniku takija dziejańni pavinny zaachvocić Rasiju spynić vajennyja dziejańni va Ukrainie.
Raźliki Minfina ZŠA hruntujucca na tym, što Rasija ŭ apošnija piać—siem hadoŭ była hatovaja zdabyvać i pradavać naftu ŭ siarednim koštam pa 60 dalaraŭ za barel. Pavodle acenki Reuters, siońnia rasijskaja nafta marki Urals pradajecca prykładna z 20%-nym dyskontam ad etałonnaj marki Brent koštam kala 75 dalaraŭ za barel.
Rasijskija aficyjnyja asoby ŭžo nieadnarazova zajaŭlali, što ŭ adkaz na ŭviadzieńnie stoli cen pierastanuć pastaŭlać naftu ŭ tyja krainy, jakija na heta pojduć. Jelen na sustrečy z MVF i SB pryznała, što płanka dla ŭviadzieńnia takich sankcyj «vielmi, vielmi vysokaja», a ŭvodzić ich možna tolki šyrokaj kaalicyjaj krain.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary