Амерыканскі Мінфін прапануе ўсталяваць лімітную цану расійскай нафты на ўзроўні каля 60 даляраў за барэль. Такую столь агучыла 13 кастрычніка на сустрэчы Міжнароднага валютнага фонду і Сусветнага банка міністарка фінансаў ЗША Джанет Елен.
Амерыканская чыноўніца нагадала, што мэта ўвядзення столі цэн — даць магчымасць Расіі працягваць здабываць нафту і прадаваць яе вышэй сабекошту, але пазбавіць пры гэтым звышпрыбыткаў ад высокіх цэн, якія складваюцца сёння. У канчатковым выніку такія дзеянні павінны заахвоціць Расію спыніць ваенныя дзеянні ва Украіне.
Разлікі Мінфіна ЗША грунтуюцца на тым, што Расія ў апошнія пяць—сем гадоў была гатовая здабываць і прадаваць нафту ў сярэднім коштам па 60 даляраў за барэль. Паводле ацэнкі Reuters, сёння расійская нафта маркі Urals прадаецца прыкладна з 20%-ным дысконтам ад эталоннай маркі Brent коштам каля 75 даляраў за барэль.
Расійскія афіцыйныя асобы ўжо неаднаразова заяўлялі, што ў адказ на ўвядзенне столі цэн перастануць пастаўляць нафту ў тыя краіны, якія на гэта пойдуць. Елен на сустрэчы з МВФ і СБ прызнала, што планка для ўвядзення такіх санкцый «вельмі, вельмі высокая», а ўводзіць іх можна толькі шырокай кааліцыяй краін.
Цяпер чытаюць
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, патрэбная дапамога6
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, патрэбная дапамога
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5050
Каментары