Makiej: U Biełarusi ŭviedzieny režym kontrterarystyčnaj apieracyi
Ministr zamiežnych spraŭ Biełarusi Uładzimir Makiej daŭ intervju rasijskaj haziecie «Iźviestija», ź jakoha vynikaje, što paśla narady ź siłavikami ŭ Biełarusi ŭviedzieny režym «kontrterarystyčnaj apieracyi». Aficyjna pra heta ničoha raniej nie paviedamlałasia, adno tolki Łukašenka na naradzie 10 kastryčnika vusna daručyŭ KDB pravieści «nieabchodnyja mierapryjemstvy kontrterarystyčnaha charaktaru».
Makiej na pytańnie žurnalista «Iźviestij», jakija zachady ŭ adkaz Biełaruś pryniała paśla nibyta atrymańnia źviestak pra ataki, jakija rychtujucca na jaje z terytoryi Ukrainy, adkazaŭ nastupnym čynam:
«My bačym, jak z boku Ukrainy kažuć: «My biełyja i puchnatyja, my ničoha nie płanujem na miažy ź Biełaruśsiu». Siońnia, na žal, śviet staŭ takim niepradkazalnym, što my nie možam nikomu vieryć. Tamu my pavinny kłapacicca pra svaju ŭłasnuju biaśpieku, zychodzić z taho, što, jak skazaŭ prezident Biełarusi, my pavinny abaranić svaich ludziej i zrabić tak, kab ni na adzin mietr našaj ziamli nie stupiła naha akupanta.
Kiraŭnik našaj krainy pravioŭ šerah narad ź siłavymi strukturami, uviedzieny režym kontrterarystyčnaj apieracyi.
Sapraŭdy, była infarmacyja ab tym, što z boku asobnych sumiežnych dziaržaŭ płanujucca pravakacyi, źviazanyja ledź nie z zachopam asobnych učastkaŭ terytoryi Biełarusi».
Kali taki režym sapraŭdy aficyjna ŭviedzieny, to jon daje siłavikam vializnyja dadatkovyja pravy, jakija možna skarystać dla jašče bolšaha ŭzmacnieńnia represij. Naprykład, padčas «kontrterarystyčnaj apieracyi» možna abmiažoŭvać pieramiaščeńni ludziej i transpartu (u tym liku i dypłamatyčnaha) u jaje zonie i pry ŭjeździe i vyjeździe ź jaje.
Taksama siłaviki zmohuć nieabmiežavana zatrymlivać i dahladać ludziej, karystacca ich srodkami suviazi i transpartam. Akramia taho, siłavikam taksama padčas KTA dazvolena bieśpieraškodna ŭvachodzić u žyllo hramadzian «pry pieraśledzie asob, jakija padazrajucca ŭ ździajśnieńni aktu teraryzmu abo stvareńni niezakonnaha farmiravańnia».
Zrešty, u biełaruskich umovach heta nie maje takoha ŭžo vialikaha značeńnia, jak heta jość u pravavych dziaržavach. Va ŭmovach poŭnaha pravavoha defołtu, jaki doŭžycca ŭžo bolš za 2 hady, biełaruskija siłaviki i tak siabie ni ŭ čym nie abmiažoŭvajuć navat biez abviaščeńnia jakich by to ni było apieracyj.
Inšaja sprava, što abviaščeńnie takoj apieracyi moža być sihnałam da jašče bolšaha ŭzmacnieńnia i intensifikacyi represij, jakija viaducca i biez taho.
Čytajcie taksama:
Krynicy: Rašeńnie ab mabilizacyi ŭ Biełarusi pryniataje. Jana projdzie pad vyhladam pravierki bajazdolnaści
Što aznačaje razhortvańnie rehijanalnaj hrupoŭki? Biełaruskaje vojska płanuje ŭstupić u vajnu?
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary