Rankam rasijskija vojski nanieśli rakietny ŭdar pa Kijeŭščynie i Zaparožžy, unačy abstralali Dnieprapiatroŭskuju vobłaść
Pa papiarednich danych, nichto nie paciarpieŭ. «Usie słužby pracujuć, ratavalniki na miescy», — paviedamiŭ kiraŭnik Kijeŭskaj vobłaści Alaksiej Kuleba.
Unačy byli taksama abstreły Dnieprapiatroŭskaj vobłaści — Mikapolskaj hramady, Marhanieckaj i Krasnahryhoraŭskaj.
Jak paviedamiŭ kiraŭnik Dnieprapiatroŭskaj vobłaści Valancin Raźničenka, u Mikapol prylacieła 50 snaradaŭ, paranienyja dva čałavieki — 35-hadovy mužčyna i 42-hadovaja žančyna. Jany znachodziacca ŭ balnicy.
Pad abstreły trapili bolš za 10 šmatpaviarchovych i pryvatnych damoŭ, transpartnaje pradpryjemstva, niekalki kramaŭ, haražny kaapieratyŭ, aŭtamabili i niekalki ofisaŭ, napisaŭ Raźničenka.
U Marhanieckaj i Krasnahryhoraŭskaj hramadach ludzi nie paciarpieli. Paškodžana pramysłovaje pradpryjemstva i damy.
Rasija abstralała taksama Zaparožža. Kiraŭnik miascovaj abłasnoj administracyi Alaksandr Starych paviedamiŭ, što nočču pa Zaparožžy byli naniesienyja čatyry avijaŭdary dronami, puščana 10 rakiet S300.
Paciarpieli abjekty enierhietyčnaj i pramysłovaj infrastruktury.
Kamientary