Ранкам расійскія войскі нанеслі ракетны ўдар па Кіеўшчыне і Запарожжы, уначы абстралялі Днепрапятроўскую вобласць
Па папярэдніх даных, ніхто не пацярпеў. «Усе службы працуюць, ратавальнікі на месцы», — паведаміў кіраўнік Кіеўскай вобласці Аляксей Кулеба.
Уначы былі таксама абстрэлы Днепрапятроўскай вобласці — Мікапольскай грамады, Марганецкай і Краснагрыгораўскай.
Як паведаміў кіраўнік Днепрапятроўскай вобласці Валянцін Разнічэнка, у Мікаполь прыляцела 50 снарадаў, параненыя два чалавекі — 35-гадовы мужчына і 42-гадовая жанчына. Яны знаходзяцца ў бальніцы.
Пад абстрэлы трапілі больш за 10 шматпавярховых і прыватных дамоў, транспартнае прадпрыемства, некалькі крамаў, гаражны кааператыў, аўтамабілі і некалькі офісаў, напісаў Разнічэнка.
У Марганецкай і Краснагрыгораўскай грамадах людзі не пацярпелі. Пашкоджана прамысловае прадпрыемства і дамы.
Расія абстраляла таксама Запарожжа. Кіраўнік мясцовай абласной адміністрацыі Аляксандр Старых паведаміў, што ноччу па Запарожжы былі нанесеныя чатыры авіяўдары дронамі, пушчана 10 ракет С300.
Пацярпелі аб'екты энергетычнай і прамысловай інфраструктуры.
Каментары