Forvard madrydskaha «Reała» Karym Bienziema vyjhraŭ «Załaty miač» 2022 hoda — samuju prestyžnuju indyvidualnuju ŭznaharodu dla futbalistaŭ u śviecie. Uznaharodu 34-hadovamu futbalistu ŭručyli siońnia na ŭračystaj cyrymonii ŭ Paryžy.
U minułym siezonie francuz u składzie «Reała» vyjhraŭ Lihu čempijonaŭ (5-y raz u karjery) i čempijanat Ispanii (4-y raz). Taksama jon staŭ najlepšym bambardziram abodvuch turniraŭ.
U Lizie čempijonaŭ jon zabiŭ 15 hałoŭ u 12 matčach, u Ła Lizie — 27 miačoŭ u 32 hulniach. Usiaho ž u jaho ŭ siezonie 2021/22 44 hały ŭ 46 matčach za «Reał» va ŭsich turnirach.
Dla Bienziema heta pieršy «Załaty miač» u karjery. Najlepšym jahonym vynikam da hetaha było čaćviortaje miesca ŭ minułym hodzie.
U žniŭni forvard taksama atrymaŭ pryz lepšamu futbalistu siezona pa viersii UEFA.
Akaŭnt Kabančuka ŭzłamali — ale ci biełaruskija śpiecsłužby?8
Kamientary