Ministerstva infrastruktury Ukrainy ŭ niadzielu abviaściła, što Rasija, u adnabakovym paradku prypyniŭšy pahadnieńnie ab razbłakiroŭcy ŭkrainskich partoŭ, «faktyčna zabłakavała» ruch 218 sudnaŭ, jakija albo viazuć pradukty charčavańnia z Ukrainy, albo iduć pa jaho, piša «Jeŭrapiejskaja praŭda».
Ministerstva infrastruktury ŭdakładniła, što ŭ hety pieralik uvachodziać 95 sudnaŭ, jakija ŭžo vyjšli zahružanymi z ukrainskich partoŭ i čakajuć pravierki ŭ Turcyi pierad tym, jak pajści ŭ punkt pryznačeńnia; 101 sudna, jakoje čakaje inśpiekcyi pierad uvachodam va ŭkrainskija party, i 22 sudny, jakija čakajuć vychadu z ukrainskich partoŭ.
Praŭda, tyja sudny, jakija ŭžo pryjšli z hruzam u tureckija vody, pa damoŭlenaści astatnich troch bakoŭ — Turcyi, AAN i Ukrainy — zmohuć praciahnuć šlach.
Sumiesny kaardynacyjny centr, stvorany ŭ ramkach pahadnieńnia ab razbłakoŭcy ŭkrainskich partoŭ, u niadzielu abviaściŭ, što hetyja try baki ŭ niadzielu ŭzhadnili płan ruchu 14 takich sudnaŭ, a taksama damovilisia ab inśpiekcyi ŭ paniadziełak jašče 40 sudnaŭ.
U Biełarusi pierad vybarami mohuć błakavać internet — jak da hetaha padrychtavacca, kab być na suviazi1
Kamientary