Indeks čałaviečaha raźvićcia: Biełaruś abhaniaje Rasiju, ale sastupaje Bałtyi
U śpisie z 182 dziaržaŭ pa indeksu čałaviečaha raźvićciaja Biełaruś zaniała 68-je miesca.
Samymi paśpiachovymi krainami śvietu ŭ hetym śpisie pryznanyja Narviehija, Aŭstralija, Isłandyja, Kanada i Irłandyja.
Biełaruś sioleta zaniała 68-je — pieršaje siarod dziaržaŭ SND — miesca i ŭvajšła ŭ hrupu krain z vysokim «indeksam čałaviečaha raźvićcia». Rasija ŭ toj samaj hrupie, na 71-m miescy. Ale ad krainaŭ Bałtyi Biełaruś adstaje na dvaccać punktaŭ — Estonija, Litva i Łatvija zaniali 40, 46 i 48 miescy adpaviedna.
Jašče ŭ 2007 h. Biełaruś zajmała 64 miesca, a ŭ 2001 h. — 53-je.
«Indeks čałaviečaha raźvićcia» raźličajecca na asnovie kompleksnych pakazańniaŭ prybytku na dušu nasielnictva, jakaści sistemy adukacyi i miedycynskaha absłuhoŭvańnia, a taksama siaredniaha uzroŭniu praciahłaści žyćcia i sacyjalnaj abaronienaści. Uličvajecca uzrovień złačynnaści i dziejańni pa achovie navakolnaha asiarodździa. Vyvučajucca taksama ŭzrovień piśmiennaści, svaboda, hodnaść čałavieka i jaho mahčymaść brać udzieł u hramadskim žyćci.
Ciapier čytajuć
Trend siarod biełaruskich zumieraŭ i milenijałaŭ: usio bolš moładzi viartajecca žyć da baćkoŭ3
Kamientary