Sachaščyk sustrakaŭsia z kiraŭnikom USU Załužnym, ale vyrašyŭ pakinuć heta ŭ tajamnicy
Jak stała viadoma «Našaj Nivie» ź infarmavanych krynic, sustreča Valeryja Sachaščyka — «ministra abarony» ŭ kabiniecie Cichanoŭskaj — z kiraŭnikom USU Valeryjem Załužnym adbyłasia jašče ŭ listapadzie 2022 hoda. Sachaščyk nie staŭ pra jaje paviedamlać. Ale ŭ pieršy dzień novaha hoda sełfi dvuch aficeraŭ źjaviłasia ŭ siecivie.
Sustreča Sachaščyka i Załužnaha adbyłasia ŭ Kijevie ŭ listapadzie 2022 hoda. Jana prajšła ŭ ciopłaj i pryjaznaj atmaśfiery, kažuć ludzi, blizkija da kołaŭ biełaruskaj apazicyi. Vyjaviłasia, što Załužny ŭ daŭnija časy byvaŭ u desantnaj čaści, jakoj kiravaŭ Sachaščyk.
Adnak tolki ciapier u internet trapiła supolnaje fota Sachaščyka i Załužnaha z toj sustrečy.
Pra detali sustrečy, a taksama ŭźniatyja na joj temy dakładna nieviadoma.
Sam Valeryj Sachaščyk ničoha nie kamientuje.
Pa infarmacyi «Našaj Nivy», u listapadzie taksama mieli adbycca sustrečy Sachaščyka ź inšymi pradstaŭnikami ŭkrainskich Uzbrojenych sił i siłavych struktur, u pryvatnaści, Sił śpiecyjalnych apieracyj.
58-hadovy Valeryj Sachaščyk — «ministr abarony» ŭ Abjadnanym pierachodnym kabiniecie. Były kamandzir bresckaj desantnaj čaści, padpałkoŭnik, jaki paśla vychadu ŭ adstaŭku zbudavaŭ paśpiachovy pryvatny budaŭničy biznes.
Heta samy aŭtarytetny vajskoviec, jaki publična dałučyŭsia da ruchu suprać dyktatury za apošnija hady.
49-hadovy Valeryj Załužny — užo kamandujučy ŭkrainskaj armijaj, pad kiraŭnictvam jakoha ŭkraincy spynili, a potym na mnohich kirunkach i razhramili rasijskich ahresaraŭ.
Nahadajem, što ŭ śniežni Valeryj Sachaščyk zajaviŭ, što viadziecca padrychtoŭka da stvareńnia novaj vajskovaj čaści biełarusaŭ va Ukrainie, jakaja budzie mieć ciažkija ŭzbrajeńni.
Čytajcie taksama: Chto taki Valeryj Sachaščyk, jaki ŭznačaliŭ siłavy błok u kabiniecie Cichanoŭskaj
Čytajcie taksama: The New Yorker: Valeryj Załužny chavaŭ sapraŭdny płan abarony Ukrainy ad usich, u tym liku ad Zialenskaha i ad amierykancaŭ
U dadzieny momant na baku Ukrainy vajujuć niekalki biełaruskich padraździaleńniaŭ, sabranych z dabraachvotnikaŭ, bolšaści ź jakich daviałosia pakinuć Radzimu, ratujučysia ad łukašenkaŭskich represij.
«Połk Kastusia Kalinoŭskaha», «Połk Pahonia», «Bataljon Teror» i inšyja farmiravańni — heta aformlenyja bajavyja adzinki. Taksama biełarusy vajujuć u inšych padraździaleńniach, składzienych z ukraincaŭ.
Imavierna, biełarusy — najbolšaja nacyjanalnaja hrupa zamiežnikaŭ u vajnie suprać rasijskaha impieryjalizmu va Ukrainie.
Dahetul isnuje prablema nizkaj skaardynavanaści palityčnych siłaŭ, jakija reprezientujuć Biełaruś na mižnarodnaj arenie, i dabraachvotnikaŭ.
Kamientary