Na biełaruskuju movu pierakłali adzin z najlepšych padručnikaŭ pa karparatyŭnym kiravańni
Prajekt pa raźvićci biełaruskaj nacyjanalnaj ekśpiertyzy ŭ halinie karparatyŭnaha kiravańnia zrabiŭ pierakład padručnika, pa jakim navučajucca lepšyja suśvietnyja śpiecyjalisty, paviedamlaje sajt biełaruskich daśledavańniaŭ Thinktanks.by.
Padručnik Elisan Dyłan Kibirydž i Endru Chamiera «Karparatyŭnaje kiravańnie» (Alison Dillon Kibirige, Andrew Hamer. Corporate Governance. Published by ICSA Publishing, 2019) źjaŭlajecca elemientam sistemy padrychtoŭki Brytanskaha karaleŭskaha instytuta karparatyŭnaha kiravańnia, adnaho z suśvietnych centraŭ ekśpiertyzy i padrychtoŭki śpiecyjalistaŭ u halinie karparatyŭnaha kiravańnia. Ciapier źjaviłasia jaho viersija i na biełaruskaj movie.
U padručniku razhladajucca bazavyja elemienty sistemy karparatyŭnaha kiravańnia ŭ Vialikabrytanii i inšych krainach, pradstaŭlenaja rola staršyni rady dyrektaraŭ, karparatyŭnaha sakratara, abaviazki i paŭnamoctvy dyrektaraŭ, efiektyŭnaść rady dyrektaraŭ, pytańni sacyjalnaj adkaznaści i inšyja bazavyja prablemy karparatyŭnaha kiravańnia.
Ułasny prajekt pa navučańni ŭ halinie karparatyŭnaha kiravańnia zapuściŭ Siarhiej Mazol, kiraŭnik Centra karparatyŭnaha kiravańnia i spravazdačnaści (Minsk), viadomy biełaruski ekanamist.
Źjaŭleńnie prajekta prakamientavaŭ biełaruski finansavy analityk Maksim Adaskievič: «Mianie vielmi raduje, što isnuje pierakład adnaho z najbolš viadomych padručnikaŭ pa karparatyŭnym kiravańni na biełaruskuju movu. Rekamienduju ŭsim, kamu cikavaja tema i chto choča palepšyć viedy pa prafiesijnaj leksicy na biełaruskaj movie. Heta vydatny prajekt, i ja spadziajusia, što ź ciaham času budzie źjaŭlacca ŭsio bolš takich jakasnych materyjałaŭ pa ekanomicy i finansach na biełaruskaj movie».
Ciapier čytajuć
Muž Siamaški byŭ nie adzinym, chto atrymaŭ pašpart prykryćcia 13 lutaha 2018 hoda39
Kamientary