«My nie viedajem na 100 %». Zialenski — pra toje, čyja rakieta ŭpała ŭ Polščy
Prezident Ukrainy Uładzimir Zialenski zajaviŭ, što nie moža sa 100-adsotkavaj upeŭnienaściu skazać, jakaja rakieta ŭpała na terytoryi Polščy 15 listapada.
«Ja nie viedaju, što zdaryłasia hetym razam, my nie viedajem na 100 %, ja dumaju, što śviet taksama nie viedaje na 100 %. Ale ja ŭpeŭnieny, što była rasijskaja rakieta i što my vykarystoŭvali rakiety SPA. Ale my pavinny być spraviadlivymi i sumlennymi, pakul rasśledavańnie nie zavieršanaje, my nie možam havaryć, jakoha typu była rakieta, abłomki jakoj upali na terytoryi Polščy», — skazaŭ Zialenski ŭ intervju Bloomberg.
Raniej jon uskładaŭ adkaznaść za incydent z padzieńniem rakiety ŭ Polščy na Rasiju, jakaja ŭvieś dzień abstrelvała terytoryju Ukrainy. «Ja nie sumniavajusia, što heta była nie naša rakieta ci nie naš rakietny ŭdar», — kazaŭ učora Zialenski.
Krainy Zachadu miarkujuć, što rakieta była ŭkrainskaj. Hazieta The Washington Post paviedamiła sa spasyłkaj na ananimnuju krynicu ŭ amierykanskaj raźviedcy, što vybuchi ŭ Polščy adbylisia praz padzieńnie adnoj abo dźviuch rakiet S-300 ukrainskich SPA, jakija źbilisia z kursu.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im6
Kamientary