Što stała z katom Fieniksam, jakoha znajšli viasnoj pad Kijevam ledź žyvoha
Ukrainskija vałanciory apublikavali śviežyja fota kata Fieniksa, jakoha viasnoj znajšli pad ruinami doma ŭ Kijeŭskaj vobłaści. Jon tady staŭ sapraŭdnaj suśvietnaj zorkaj, zdymki ź im abyšli ŭvieś śviet. Ciapier jon maje šaniec hety pośpiech paŭtaryć, ale ŭžo ŭ inšym vyhladzie.
Kot Fieniks zdabyŭ suśvietnuju viadomaść u pačatku krasavika, kali jaho znajšli pad abłomkami razburanaha doma ŭ Andrejeŭcy pad Kijevam. Kot atrymaŭ surjoznyja rany i vyhladaŭ žachliva. Paśla vyratavańnia jaho adpravili ŭ vietkliniku, a paźniej žyviolinu prytulili ŭ ofisie zoamahazina Pethouse.
Kata simvalična nazvali Fieniksam. Niahledziačy na toje, što chatni hadavaniec mocna paciarpieŭ, u jaho zachavalisia zuby, zrok i słych. I, miarkujučy pa śviežych zdymkach, u jaho ŭsio cudoŭna.
«Fieniks, prajšło siem miesiacaŭ. Užo kala piaci kiłahram nievierahodna puchnataha ŭkrainskaha źviarynaha ščaścia. Kantrast nievierahodny. Ciarpieńnie, luboŭ, znoŭ ciarpieńnie — i voś što atrymałasia. Sami pahladzicie, heta ž ščaście, jak jano jość», — napisali ŭ instahramie supracoŭniki vieterynarnaj kramy.
Jak za biełaruskimi apazicyjanierami špijoniła madel Onlifans8
Kamientary