Што стала з катом Феніксам, якога знайшлі вясной пад Кіевам ледзь жывога
Украінскія валанцёры апублікавалі свежыя фота ката Фенікса, якога вясной знайшлі пад руінамі дома ў Кіеўскай вобласці. Ён тады стаў сапраўднай сусветнай зоркай, здымкі з ім абышлі ўвесь свет. Цяпер ён мае шанец гэты поспех паўтарыць, але ўжо ў іншым выглядзе.
Кот Фенікс здабыў сусветную вядомасць у пачатку красавіка, калі яго знайшлі пад абломкамі разбуранага дома ў Андрэеўцы пад Кіевам. Кот атрымаў сур'ёзныя раны і выглядаў жахліва. Пасля выратавання яго адправілі ў ветклініку, а пазней жывёліну прытулілі ў офісе зоамагазіна Pethouse.
Ката сімвалічна назвалі Феніксам. Нягледзячы на тое, што хатні гадаванец моцна пацярпеў, у яго захаваліся зубы, зрок і слых. І, мяркуючы па свежых здымках, у яго ўсё цудоўна.
«Фенікс, прайшло сем месяцаў. Ужо каля пяці кілаграм неверагодна пухнатага ўкраінскага звярынага шчасця. Кантраст неверагодны. Цярпенне, любоў, зноў цярпенне — і вось што атрымалася. Самі паглядзіце, гэта ж шчасце, як яно ёсць», — напісалі ў інстаграме супрацоўнікі ветэрынарнай крамы.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў2
Каментары