Ksiondz Uładzisłaŭ Zavalniuk choča stać dvornikam Čyrvonaha kaścioła
Ksiondz-kanonik Uładzisłaŭ Zavalniuk napisaŭ zajavu, u jakoj paprasiŭ dazvolić jamu dahladać terytoryju kaścioła.
«Pakolki ŭ suviazi z tym, što z momantu incydentu ŭzharańnia ŭ zakrystyi kaścioła Śviatoha Symona i Śviatoj Aleny prajšło dva miesiacy, i kaścioł začynieny, a parafijalnaja dziejnaść prypyniena, to ja jak probašč parafii nie maju mahčymaści pravodzić bohasłužeńni. Tamu, kab ja moh prynosić karyść parafii, prašu dazvolić mnie z 21 listapada 2022 hoda vykonvać abaviazki dvornika dla ŭborki terytoryi vakoł Čyrvonaha kaścioła, jakaja na hety momant nie prybirajecca».
Minuła amal dva miesiacy z momantu, kali ŭłady zabrali ŭ viernikaŭ Čyrvony kaścioł. Za zabranaj terytoryjaj nie dahladajuć.
Nahadajem, nočču 26 vieraśnia ŭ kaściole adbyŭsia pažar. U toj ža dzień administracyja Maskoŭskaha rajona pryniała rašeńnie časova zabaranić ekspłuatacyju budynka. Kaścioł adklučyli ad usich kamunikacyj. Minharvykankam zajaviŭ, što ŭładalnik budynka, KUP «Minskaja spadčyna», nie moža vykonvać abaviazacielstvy pa damovie, i zapatrabavaŭ ad relihijnaj abščyny vyzvalić budynak ad ruchomaj majomaści dla praviadzieńnia ramontna-adnaŭlenčych rabot.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary