U Baranavickim rajonie ŭ minułyja vychadnyja zafiksavany try najezdy na dzikoŭ, jakija raptoŭna źjavilisia na darozie.
Pra heta paviedamiŭ inśpiektar adździaleńnia pa ahitacyi i prapahandzie abłasnoj DAI Ilja Pomin. Usie DTZ z udziełam žyvioł adbylisia ŭ ciomny čas sutak.
10 kastryčnika na trasie Brest — Minsk — miaža RF niepadalok ad vioski Lasnaja pad koły aŭtamabila «Ford» trapiŭ dzik, jaki pierabiahaŭ darohu. 11 kastryčnika na aŭtadarozie Baranavičy — Rusina — Vialikija Łuki, na adlehłaści čatyroch kiłamietraŭ ad Baranavičaŭ, vadziciel aŭtamabila «Deu» taksama nie zmoh paźbiehnuć najezdu na žyviolinu. U toj ža dzień na 203‑m km trasy Brest — Minsk — miaža RF na dzika najechaŭ «Miersiedes».
Jak adznačyŭ pradstaŭnik DAI, u dvuch pieršych vypadkach žyvioły zahinuli na miescy. Dzik, ź jakim sutyknuŭsia «Miersiedes», uciok.
Usie try aŭtamabili atrymali miechaničnyja paškodžańni, vadzicieli i pasažyry nie paciarpieli. «Pakolki ŭsie vypadki byli zafiksavany ŭ ciomny čas sutak na nieaśvietlenych učastkach daroh, a žyvioły raptoŭna źjaŭlalisia pierad transpartnymi srodkami, vadzicieli nie zdoleli praduchilić hetyja DTZ», — adznačyŭ Pomin.
Z pačatku hoda ŭ Bresckaj vobłaści ŭ vyniku najezdu na dzikich žyvioł, jakija raptoŭna źjavilisia na darozie, adbyłosia try DTZ z čatyrma paciarpiełymi.
Kamientary