U Biełarusi pravodzicca pravierka sistemy reahavańnia na akty teraryzmu
7—8 śniežnia pravodzicca pravierka dziaržaŭnaj sistemy reahavańnia na akty teraryzmu, paviedamlajuć dziaržaŭnyja struktury.
U hety pieryjad zapłanavana pieramiaščeńnie vajskovaj techniki i asabovaha sastavu sił zabieśpiačeńnia nacyjanalnaj biaśpieki, časovaje abmiežavańnie ruchu hramadzian (transpartu) pa asobnych darohach ahulnaha karystańnia i ŭčastkach miascovaści, užyvańnie imitacyjnych srodkaŭ paražeńnia ŭ navučalnych metach.
«Prynosim prabačeńni za mahčymyja niazručnaści», — havorycca ŭ paviedamleńni Dziaržaŭnaha sakrataryjata Rady Biaśpieki.
Varta adznačyć, što jak «akty teraryzmu» ŭ apošnija hady łukašenkaŭcy interpretujuć sproby hramadzian ažyćciavić bazavyja hramadzianskija pravy, takija, jak prava abirać i być abranym, svabodu słova i schodu. A siłavyja struktury RB pastaŭlenyja na słužbu intaresam inšaj dziaržavy — Rasijskaj Fiederacyi.
Vojski RF užo amal hod prysutničajuć na biełaruskaj terytoryi i ź Biełarusi ŭ lutym 2022 hoda ažyćciavili ahresiju suprać Ukrainy, pry dapamozie łukašenkaŭskich siłavych struktur, jakija ŭziali na siabie tyłavoje zabieśpiačeńnie apieracyi.
Sotni biełarusaŭ, jakija pratestavali suprać vajny ci ažyćciaŭlali akcyi antyvajennaha sabatažu, źniavolenyja, mnohija ź ich — pa abvinavačvańni ŭ ździajśnieńni aktaŭ teraryzmu.
Kamientary