Minčuku dali try hady «chatniaj chimii» za ŭdzieł u adnym maršy
Stała viadoma, što 23 listapada Alaksandra Adaščyka asudzili da troch hadoŭ abmiežavańnia voli biez nakiravańnia ŭ PUAT — «chatniaj chimii». Sudździa Partyzanskaha rajona Minska Alaksandr Supičenka pryznaŭ jaho vinavatym pavodle art. 342 Kryminalnaha kodeksa. Da vyniasieńnia prysuda mužčyna znachodziŭsia pad vartaj, jaho vyzvalili ŭ zale suda, piša «Viasna».

Adaščyka pryznali vinavatym va ŭdziele ŭ maršy 23 žniŭnia 2020 hoda. Zhodna z pazicyjaj abvinavačańnia, jon nie padparadkavaŭsia patrabavańniam milicyi «vyzvalić prajeznuju častku, piešachodnuju i zialonuju zony dla volnaha i spakojnaha pieramiaščeńnia hramadzian i transpartu». Viadoma, što ŭ jaho z saboj byŭ bieł-čyrvona-bieły ściah, jon pramaŭlaŭ łozunhi.
Alaksandr pryznaŭ vinu. Abvinavačańnie taksama paličyła dokazami fotazdymak Adaščyka z prajeznaj častki na praśpiekcie Pieramožcaŭ u Minsku z nacyjanalnym ściaham na plačach i źviestki ŭ telefonnych złučeńniach, jakija dakazvajuć miescaznachodžańnie mužčyny «ŭ niepasrednaj blizkaści» ad maršu.
-
Bondarava i ŭsie astatnija. Top-20 biełarusaŭ, pra jakich u 2025 hodzie čytali ŭ biełaruskaj Vikipiedyi
-
Sieviaryniec: Aŭtuchoviča ŭ turmie pryznajuć lehiendaj navat tyja, chto supracoŭničaje z administracyjaj. Jon kremień
-
«Navat sabaka baicca». U Oršy vyrasła hara śmiećcia, ale jaje nichto nie prybiraje
Kamientary