U raskładzie Minskaha abłasnoha suda źjaviłasia infarmacyja, što siońnia pačali razhladać spravu palitźniavolenaha vajskovaha ekśpierta Jahora Lebiadka. Sudovy praces viadzie sudździa Alena Miśnik, paviedamlaje «Viasna».
Abvinavačvańnie Lebiadku vystaŭlenaje pa č. 1 i č. 2 art. 361-4 KK (sadziejničańnie ekstremisckaj dziejnaści).
Zhodna z materyjałami spravy, Lebiadok u krasaviku i traŭni 2022 hoda «ŭ metach zabieśpiačeńnia dziejnaści publičnaha destruktyŭnaha kanała, infarmacyjnuju pradukcyju jakoha sud pryznaŭ ekstremisckimi materyjałami, daŭ intervju pradstaŭniku nazvanaha kanała na temu praviadzieńnia ŭzbrojenymi siłami RF śpiecyjalnaj vajennaj apieracyi na terytoryi Ukrainy i roli ŭ joj Biełarusi».
Raniej paviedamlałasia, što havorka idzie pra intervju «Jeŭraradyjo».
Lebiadku, zhodna z artykułami, pahražaje abmiežavańnie voli na termin ad dvuch da piaci hadoŭ abo pazbaŭleńnie voli na termin ad troch da siami hadoŭ.
Jahor Lebiadok byŭ zatrymany sioleta 12 lipienia.
U Biełarusi pierad vybarami mohuć błakavać internet — jak da hetaha padrychtavacca, kab być na suviazi1
Kamientary