Karpiankoŭ raskazaŭ padrabiaznaści ab novym atradzie śpiecnaza «Śmierč», jaki stvaryli dla «baraćby z unutranymi vorahami»
Namieśnik ministra ŭnutranych spraŭ — kamandujučy ŭnutranymi vojskami Mikałaj Karpiankoŭ naviedaŭ vajskovuju čaść śpiecnaza, dzie znachodzicca niadaŭna sfarmiravany atrad śpiecnaza «Śmierč».
Pavodle Karpiankova, śpiecnazaŭcy, jakija słužać u atradzie, padrychtavanyja i matyvavanyja.
«Na klič, jaki prahučaŭ u nas va ŭnutranych vojskach u pačatku listapada, adhuknułasia i sabrałasia ŭ vajskovaj čaści 3214 vialikaja kolkaść vajskoŭcaŭ zapasu», — pieradaje słovy Karpiankova «SB. Biełaruś siehodnia».
Karpiankoŭ raspavioŭ, što dla padraździaleńnia zakupleny sučasnyja srodki abarony — kaski i broniekamizelki. Atrad asnaściać ciepłavizarami i bieśpiłotnikami.
Karpiankoŭ skazaŭ, što ŭ vypadku nieabchodnaści «Śmierč» budzie dziejničać sumiesna z SACHRam i jašče adnym novym padraździaleńniem — atradam śpiecnaza «Ryś». Bajcy ŭžo praviali sumiesnyja treniroŭki.
«Płanujem jak minimum niekalki razoŭ na hod źbiracca, kab brać na ŭzbrajeńnie, akumulavać samy pieradavy vopyt», — skazaŭ Karpiankoŭ.
Karpiankoŭ u listapadzie anansavaŭ stvareńnie novaha bataljona śpiecnaza ŭ Minsku. Były kiraŭnik HUBAZiKa raspavioŭ, što novaje padraździaleńnie ŭ baraćbie z unutranymi vorahami budzie stvoranaje da kanca hoda, a kamplektavać jaho buduć z «kantraktnikaŭ i najlepšych aficeraŭ».
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary