Карпянкоў расказаў падрабязнасці аб новым атрадзе спецназа «Смерч», які стварылі для «барацьбы з унутранымі ворагамі»
Намеснік міністра ўнутраных спраў — камандуючы ўнутранымі войскамі Мікалай Карпянкоў наведаў вайсковую часць спецназа, дзе знаходзіцца нядаўна сфарміраваны атрад спецназа «Смерч».
Паводле Карпянкова, спецназаўцы, якія служаць у атрадзе, падрыхтаваныя і матываваныя.
«На кліч, які прагучаў у нас ва ўнутраных войсках у пачатку лістапада, адгукнулася і сабралася ў вайсковай часці 3214 вялікая колькасць вайскоўцаў запасу», — перадае словы Карпянкова «СБ. Беларусь сегодня».
Карпянкоў распавёў, што для падраздзялення закуплены сучасныя сродкі абароны — каскі і бронекамізэлькі. Атрад аснасцяць цеплавізарамі і беспілотнікамі.
Карпянкоў сказаў, што ў выпадку неабходнасці «Смерч» будзе дзейнічаць сумесна з САХРам і яшчэ адным новым падраздзяленнем — атрадам спецназа «Рысь». Байцы ўжо правялі сумесныя трэніроўкі.
«Плануем як мінімум некалькі разоў на год збірацца, каб браць на ўзбраенне, акумуляваць самы перадавы вопыт», — сказаў Карпянкоў.
Карпянкоў у лістападзе анансаваў стварэнне новага батальёна спецназа ў Мінску. Былы кіраўнік ГУБАЗіКа распавёў, што новае падраздзяленне ў барацьбе з унутранымі ворагамі будзе створанае да канца года, а камплектаваць яго будуць з «кантрактнікаў і найлепшых афіцэраў».
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары