U Siłach abarony poŭdnia bačać prykmiety, što ŭ dačynieńni da časova akupavanaha Mielitopala rasijskija zachopniki dziejničajuć pavodle taho ž scenaryja, pa jakim adychodzili z Chiersona, paviedamiła načalnica abjadnanaha kaardynacyjnaha pres-centra Sił abarony poŭdnia Ukrainy Natalla Humianiuk u efiry telekanała «24».
«U pryncypie, usio pa tym ža scenary, jak było i na pravym bierazie. Napeŭna, jon (scenar) im vielmi spadabaŭsia. Jany spačatku kancentravalisia vakoł Chiersona, budavali (ŭmacavańni), potym paviedamlali, što jany pakidajuć niekatoryja nasielenyja punkty, potym rychtavalisia da vuličnych bajoŭ, potym raskazvali, što ŭsio jašče nie stračana, potym vynosili z bankaŭ i inšych ustanoŭ toje, što ličyli kaštoŭnym.
U pryncypie, usio paŭtarajecca, jany lubiać nastupać na tyja ž hrabli, tamu chaj pracujuć pa tym ža scenary, my prynamsi viedajem, čym heta ŭsio skončycca», — zajaviła pres-sakratarka.
Humianiuk adznačyła, što akupanty ciapier sprabujuć uładkavać liniju abarony na pazicyjach uhłyb terytoryi na levym bierazie Dniapra i choć pra niešta dać spravazdaču pierad svaim kiraŭnictvam.
Pavodle źviestak mera Mielitopala, rasijskija zachopniki rychtujucca da vuličnych bajoŭ u časova akupavanym horadzie — u centry staviać bietonnyja piramidalnyja supraćtankavyja zbudavańni, viadomyja jak «zuby drakona».
Kamientary
Janota taksama vyvałakli za škirku z valjera... jen ta jakuju kaštounaść maje? Taktyka vypalennaj ziamli!