Ale bolšaść sanatoryjaŭ užo zareziervavana.
Sustreča Novaha hoda ŭ biełaruskim sanatoryi tradycyjna karystajecca popytam. Śviatočnaja viačera sa stravami ad šef-kucharaŭ, kancert zorak biełaruskaj estrady, Dzied Maroz i Śniahurka z konkursami i hulniami i tancy da samaj ranicy — takija prahramy prapanujuć zdraŭnicy ŭ navahodniuju noč.
Astatnija dni buduć nasyčany mierapryjemstvami na adkrytym pavietry: zimovyja hulańni, spabornictvy i ekskursii. I, biezumoŭna, miedycynskija i SPA-pracedury, jakija dazvolać adpačyć i parełaksiravać. U bolšaści sanatoryjaŭ miescy na navahodnija śviaty całkam zabraniravany. Adzin dzień u biełaruskim sanatoryi ŭ hety čas u siarednim abydziecca ŭ 93 rubli, navahodni bankiet — da 200 rubloŭ, piša «Źviazda».
Navahodni bankiet, zimovyja hulańni i SPA-prahramy
Jak adznačaje dyrektar Respublikanskaha centra pa azdaraŭleńni i sanatorna-kurortnym lačeńni nasielnictva Hienadź Bałbatoŭski, Novy hod u ajčynnych sanatoryjach tradycyjna karystajecca pavyšanym popytam. Usie zdraŭnicy buduć całkam zapoŭnienyja. U pieryjad navahodnich śviat tut čakajuć kala 22 tysiač haściej. Admietna, što amal pałova ź ich (bolš za 10 tysiač) — zamiežnyja hramadzianie, pieravažna rasijanie. Jak praviła, na hety čas sanatoryi arhanizoŭvajuć dvuchtydniovyja tury, jakija buduć prachodzić z 25 śniežnia da 7 studzienia. Zajezdy buduć praktyčna paŭsiul u adzin i toj ža čas.
Navahodniaja prahrama istotna adroźnivajecca ad zvyčajnaha znachodžańnia ŭ sanatoryi. Akramia kompleksu miedycynskich pasłuh (a ŭsie pucioŭki nabyty z hetaj opcyjaj) prahramy buduć nasyčany śviatočnymi mierapryjemstvami.
Heta kancerty artystaŭ biełaruskaj estrady, majstar-kłasy z nacyjanalnym kałarytam, vuličnyja hulańni, spartyŭnyja mierapryjemstvy z akcentam na zimovyja vidy sportu. Sioletniaje nadvorje im spryjaje, i amal usie sanatoryi ŭklučyli ŭ prahramy masavyja łyžnyja prahułki. I, viadoma, tradycyjny navahodni bankiet ź Dziedam Marozam i Śniahurkaj. Naprykład, adzin z najlepšych biełaruskich sanatoryjaŭ, «Alfa Radon», prapanuje sioletni navahodni bankiet pad nazvaj «Ruskija siezony» — u styli ruskaha dvaranstva z tematyčnym furšetam, kłasičnaj muzykaj i tvorčymi majstar-kłasami.
U siarednim adzin dzień znachodžańnia ŭ hety čas u sanatoryi składaje kala 93 rubloŭ, košt navahodniaha bankietu — u siarednim 195 rubloŭ. Bolšaść sanatoryjaŭ na Novy hod užo zabraniravana. U tym liku adzin z samych niatannych — sanatoryj «Plisa» — paviedamlaje, što volnych miescaŭ na Novy hod nie zastałosia. A voś sanatoryi siaredniaj cenavaj katehoryi jašče majuć volnyja numary, naprykład, sanatoryj «Krynica» pad Minskam. Cana navahodniaha bankietu tut — 195 rubloŭ.
— Siońnia sanatoryi pracujuć u režymie sanitarna-epidemijałahičnaha dabrabytu, — padkreśliŭ Hienadź Bałbatoŭski. — Niama ŭspyšak zachvorvańniaŭ, pry tym što siońnia sanatoryi zapoŭnieny na 80 %. Za apošnija hady heta adzin z samych vysokich pakazčykaŭ zapaŭnialnaści ŭ asieńnie-zimovy pieryjad, što śviedčyć pra vysoki popyt na taki vid pasłuh.
Surazmoŭca dadaŭ, što aktyŭna idzie braniravańnie i zimovych miesiacaŭ. Studzień zabraniravany na 67 %, luty — bolš čym na 40 %. Papiarednija vyniki hoda śviedčać pra toje, što sistema sanatorna-kurortnaha lačeńnia spracavała paśpiachova. Udałosia vyjści na pakazčyki dziejnaści ŭdałaha 2019 hoda, navat pa niekatorych pazicyjach pieravysić. A kali paraŭnoŭvać ź minułym hodam, to sioletni staŭ našmat bolš paśpiachovym. Vyručka pa eksparcie pasłuh vyrasła na 70 %, a ahulnaja vyručka — na 46 %. U hrašovym vyražeńni vyručka ad ekspartu pasłuh składzie 100 miljonaŭ dalaraŭ.
Kamientary